AZA VOLY MIAMBIN̈Y!
Hafanan̈a Mandombolombo Ndreky Toetany Paiky—Ino Raha Koran̈iny Baiboly Momba Zen̈y?
“Nan̈ano tatitry iro manampahaizan̈a sinoa aby io fa amy taon̈o ty ten̈a hahitan̈a hafanan̈a ‘farany mare’ ke io fan̈intelony tatitry mivolan̈a fisiany tany maiky kafan̈a.”—The Guardian, 7 Septambra 2022.
“An̈atiny dimy taon̈o mifanesy, hahita hafanan̈a man̈oro ndreky tany paiky amy faritry sasany an Afriky.”—UN News, 26 Aoty 2022.
“Mandilatra aroe ampahatelony Eropy hatahoran̈a ho tatrany hafanan̈a man̈oro ndreky paiky. Io hafanan̈a ndreky toetany paiky ten̈a mandombolombo letrizay tan̈atiny 500 taon̈o.”—BBC News, 23 Aoty 2022.
Maro manampahaizan̈a nan̈ambara fa mety hitohy fo hafanan̈a man̈oro ndreky toetany paiky io, ary mety mbala handombolombo. Mbala ho tsara edy fiain̈ana aminy hoavy? Ino raha koran̈iny Baiboly momba zen̈y?
Hafanan̈a ndreky toetany paiky io misy ifandraisany amy faminanian̈a koran̈iny Baiboly
Karaha ty raha efa nambarany Baiboly momba andra misy atsika ty:
‘Ho hisy mosary amy tany isankarazany.’—Lioka 21:11.
Tany koa fa manjary paiky, matetiky sasatra hanin̈y. Ke tsy fahampiany hanin̈y, jaly ndreky fahafatesan̈a vokatrinizen̈y, man̈atanteraka faminanian̈any Baiboly.—Apokalypsy 6:6, 8.
Nan̈ino ma hafanan̈a ndreky toetany paiky io mahaimandombolombo fo?
Baiboly mikoran̈a antony araiky maventy mahavy zen̈y. Karaha ty koran̈iny ao:
“Olombelon̈o tsy mahay lalan̈a imboany. Olo koa tsy natao hitondra fiain̈ananany manokan̈a.”—Jeremia 10:23.
Dikanizen̈y, olombelon̈o tsy mety hahomby izikoa mbala iro fo ‘mitariky lalan̈andro’, na mifampitondra. Matetiky, baka amy fanapahankevitry ratsy ataondro mahavy hafanan̈a be ndreky toetany paiky io, avio mahavy rano sasatra mare.
Ankamarozandro manampahaizan̈a aby io man̈eky fa baka amy raha ataonolombelon̈o fo mahavy hafanan̈a erantany mahaimiaho, ndreky tany ty mahaipaiky fo.
Baka aminolo tia ten̈a ndreky tsy mandiniky ny amaray mahavy atiala ndreky tontolo iain̈ana mahairobaka. Ke loso mihen̈y mare rano, firaka izy amy lohany an̈y.
Kanefa Baiboly mampan̈anten̈a raha tsara.
Ino ma raha antin̈aintsika aminy amaray?
Baiboly mampan̈anten̈a fa Zan̈ahary handamin̈y problemony tsy fahampiany rano. Amy fomba akory?
1. Zan̈ahary “handripahan̈a lan̈iany olo mandrobaka tany ty.” (Apokalypsy 11:18) Hadosony foeky olo ratsy fan̈ahy ndreky tia ten̈a, fotony baka amindro io aviany rano sasatra ndreky tontolo iain̈ana robaka.—2 Timoty 3:1, 2.
2. ‘Amy tany paiky hanjary hisy matsabory aniriany bararata.’ (Isaia 35:1, 6, 7) Zan̈ahary han̈arin̈y raha jiaby nirobatiny toetany paiky, ke tany ty hanjary paradisa avio rano tsy ijalian̈a foeky.
3. ‘Anao mikarakara tany, ke ataonao mahavokatra mare izio.’ (Salamo 65:9) Zan̈ahary hitahy, ke ho treka hanin̈y, hataony mahavokatra tany, avio ho feno rano madio mahampy olo jiaby.
Mety ho Tianao Koa
AZA VOLY MIAMBIN̈Y!
Manonga Mare Hafanan̈a amy Tany Jiaby: Ino Raha Koran̈iny Baiboly Momba Zen̈y?
Efa tsy ho mety hipitrahan̈a eky ma tany ty?
FAN̈ONTANIAN̈A VALIANY BAIBOLY
Tany ty ma Mbala ho Potiky?
Ho gaga anao koa mahita raha koran̈iny Baiboly.
FAMPIANARAN̈A FOTOTRO AMY BAIBOLY
Ino ma Dikany Niasany Zan̈ahary Tany Ty?
Feno raha maro tsara tanintsika ty. Mety tsara elan̈elan̈a tany ndreky masoandra, pare tsara koa fitsikilan̈any, baka io mety tsara koa fiodikodin̈any. Ino nahavy Zan̈ahary nan̈ano raha jiaby zen̈y amy tany ty?
FAN̈ONTANIAN̈A VALIANY BAIBOLY
Ino ma Raha Ahaizan̈a “Andra Farany” na “Vanimpotoan̈any Farany”?
Baiboly efa nan̈ambara tsialohaloha raha maro miaraka hiboaka ahaizan̈a andra farany.
AZA VOLY MIAMBIN̈Y!
Robaka Mare Tany Ty—Ino Raha Koran̈iny Baiboly Momba Zen̈y?
Misy andininy araiky amy Baiboly ao mikoran̈a aha telo momba faharobatany tontolo iain̈anantsika.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
