Maro olo mieritreritry fa tan̈atin’ny 30 taon̈o tatoato zay, nilamindamin̈y fiain̈ana eran-tany, sady nahaitsara fo. Kanefa izikoa zahan̈a raha nandalo tafarafara tato, mety diso fomba fihevitrindrô zen̈y.

•   “Miasaloha olo tsao ady a Gaza io hiparitaka amy firenena man̈odidin̈y fôtony Israely ndreky Hezbollah efa komansy miady amy sisin-tanin’ny Liban.”​—Reuters, 6 Zanvie 2024.

•   “Misy andian’olo taritin’ny Iran manafiky faritry maro, aviô nan̈amboatra fitaovan̈a nikleaira ndraiky koa Iran. Sôsoko zen̈y, lôso man̈ampy Iran iziôty Russie ndreky Chine. Ke avozoan̈a hisy vokany amy firenena erôpeain ndreky amy firenena hafa miaraka aminany raha zen̈y.”​—The New York Times, 7 Zanvie, 2024.

•   “Mbala mahaimaro fo raha robaka an Ukraine an̈y baka amy fanafihan̈a ataon’ny Russie.”​—UN News, 11 Zanvie 2024.

•   “Mahaimanan-draha fo Chine aviô mahaimatanjaka fo tafikinany. Taïwan ndraiky mahaimifen̈y fo man̈aboaka fitiavan̈a tanin-drazan̈a. Tsy fankahazo koa Chine ndreky Etazonỳ, ke raha aby zen̈y mety hampisy ady.”​—The Japan Times, 9 Zanvie 2024.

 Baiboly ma mikoran̈a momba korontan̈a isan-karazany misy amy ziôty? Hahavy ady eran-tany ma zen̈y?

 Tsy volan̈in’ny Baiboly tsipiriany ady misy amy ziôty. Ndray zen̈y, Baiboly efa nivolan̈a fa hahaimaro ady amin’ny andrantsika ziôty ke ‘tany tsy hilamin̈y.’​—Apokalypsy 6:4.

 Bokin’i Daniela mivolan̈a fa “amy fotoan̈an’ny farany” hisy firenena matanjaka “hifan̈aposy” na hiady azôvy ny ten̈a matanjaka. Irô mampiasa tafiky mahery salakady mandany “harian̈a” na vola be.​—Daniela 11:40, 42, 43.

 Baiboly mivolan̈a fa hahaiho ratsy antsendriky fandehan-draha ambony tany eto, zay izy vo tsara. Jesosy nivolan̈a fa “hisy fahorian̈a be tsisy ambaka izy, rango nisiany donia ty.” (Matio 24:21) “Fahorian̈a be” io hitariky amin’ny ady Aramagedona. Izio “adin’ny andra maventin’ny Zan̈ahary Farany Mahery.”​—Apokalypsy 16:14, 16.

 Aramagedona io ady han̈avotro olombelon̈o. Ady io hindesin’ny Zan̈ahary han̈adoso fanjakan̈an’olombelon̈o jiaby, irô io baka mahavy ady tsy mahaivita ambony tany eto. Zahava amy lahatsoratra aby ty, amy karakôry Aramagedona io hitondra fiadanan̈a ambonin’ny tany eto:

•   “Ino ma Ady Aramagedona Zen̈y?”

•   “Vaovao Tsara ny Hara-magedona!”