AZA VÔLY MIAMBIN̈Y!
Mosary Vokatran’ny Lagera Ndreky Fiovoan’ny Toetrandra: Ino Raha Koran̈in’ny Baiboly Momba Zen̈y?
Nohon’ny fisian’ny lagera an Ukraine ndreky fiovoan’ny toetrandra, lôso mbala voafetra fo rezervan’ny hanin̈y eran-tany. Amy tany masikiny, ten̈a mahery tratran’izen̈y, fôtony maro amin’olo an̈y sahiran̈a vo mahita hanin̈y.
“Lôso sarotro mahita ndreky mamokatra hanin̈y nohon’ny ady ndreky fiovoan’ny toetrandra, karaha zen̈y koa fanongan’ny vidin’ny angôvo ndreky raha hafa.”—António Guterres, Sekretera Zeneralin’ny ONU, 17 Zie 2023.
“Tsy nitohizan’i Rosia foeky fifan̈arahan̈a momba fan̈aboahan̈a hanin̈y baka an Ukraine. Mieritreritry manam-pahaizan̈a fa hahaimare fo krizin’ny hanin̈y man̈eran-tany, aviô hahailafo fo koa hanin̈y amy tany masikiny, intsaka eky an Afriky Avaratra ndreky Moyen-Orient.”—Atalayar.com, 23 Zie 2023.
Aleva onon̈o baka ino raha volan̈in’ny Baiboly momba mosary aviô momba ny amaray.
Baiboly mivolan̈a fa hisy mosary
Ty faminanian̈a nivolan̈in’i Jesosy: “Hisy firenena hiady firenena, hisy fanjakan̈a hiady fanjakan̈a. Hisy mosary.”—Matio 24:7.
Bokin’ny Apokalypsy mikoran̈a momba mpitenginy sevaly efatra. Araiky amindrô io hivolan̈ana ady. Aviô nisy mpitenginy sevaly araiky koa nan̈araka, izio hivolan̈ana mosary. Dikan’izen̈y tsy ho mora hahita hanin̈y amy fotoan̈a zen̈y, aviô hanonga be vidin-draha. ‘Hitako fa nisy sevaly joby, aviô nisy balansy tamy tan̈anan’olo nitenginy izio. Zaho koa karaha naharen̈y feo nivolan̈a karaha ty: “Denaria [karama andra araiky] vidin’ny varimbazaha kilô araiky, aviô denaria araiky vidin’ny vary orza telo kilô.”’—Apokalypsy 6:5, 6.
“Andra farany” volan̈in’ny Baiboly andra iain̈antsika ziôty, fôtony efa tanteraka irô faminanian̈a aby momba mosary io. (2 Timoty 3:2) Anao koa tihahay misimisy momba “andra farany” ndreky momba irô mpitenginy sevaly efatra aby koran̈in’ny Apokalypsy io, zahava video Niova Fiain̈ana Erantany Komansy Taminy 1914, aviô vakia lahatsoaratra “Iza Ireo Mpitaingin-tsoavaly Efatra?”
Baiboly afaka man̈ampy anao
Misy torohevitry azo ampiharin̈y amy Baiboly ao. Irô io afaka man̈ampy anao hiatriky problemo, karaha ataony lera vidin-draha manonga na koa lera misy mosary. Sasany amy zen̈y ho hitanao amy lahatsoratra ty “Ahoana Raha Lasa Nihena ny Vola Miditra Aminao?”
Baiboly koa mampan̈anten̈a fa mbala hahaitsara fo fiainan̈a. Koran̈iny ao fa “hahavokatra be tany”, aviô samy hanan̈a sakafo ampy tsara aby olo jiaby. (Salamo 72:16) Anao koa tihahay misimisy momba raha koran̈in’ny Baiboly momba ny amaray aviô nan̈ino anao afaka matoky zen̈y, vakia lahatsoratra ty “Mbola Hihatsara ve ny Fiainana Amin’ny Hoavy?”
Mety ho Tianao Koa
AZA VOLY MIAMBIN̈Y!
Ady an Ukraine Mahaimandrosoko Mosary Erantany—Ino ma Raha Koran̈iny Baiboly Momba Zen̈y?
Baiboly efa nan̈ambara fa hisy mosary erantany. Tsy zen̈y fo, izio koa mampan̈anten̈a raha tsara aminy amaray avio man̈amia torohevitry mahomby hiatrefan̈a problemo rango zioty.
AZA VOLY MIAMBIN̈Y!
Hafanan̈a Mandombolombo Ndreky Toetany Paiky—Ino Raha Koran̈iny Baiboly Momba Zen̈y?
Mety ho voavaha ma problemo erantany io? Ino ma raha antin̈aintsika aminy hoavy?
FAN̈ONTANIAN̈A VALIANY BAIBOLY
Ino ma Raha Ahaizan̈a “Andra Farany” na “Vanimpotoan̈any Farany”?
Baiboly efa nan̈ambara tsialohaloha raha maro miaraka hiboaka ahaizan̈a andra farany.
FAMPIANARAN̈A FOTOTRO AMY BAIBOLY
Nan̈ino Tsy Adosony Zan̈ahary Jaly Io?
Maro olo man̈ontany nan̈ino ma feno olo tsy fankatia ndreky raha manahiran̈a tany ty. Ten̈a mankahery valiny fan̈ontanian̈a aby io amy Baiboly ao.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
