AZA VÔLY MIAMBIN̈Y!
Niavansendrô Siantifiky aby io Lamontara Manôndro Lera Havian’ny Faran’andra—Ino Raha Koran̈in’ny Baiboly Momba Zen̈y?
Tamy 24 Zanvie 2023 in̈y, irô siantifiky aby io nivolan̈a fa Lamontara Manôndro Faran’andra io zen̈y efa ten̈a marikitry hanôndro sasakalin̈y a havian’ny faran’ny donia ty zen̈y.
“‘Lamontara Manôndro Faran’andra’ io ampiasaindrô siantifiky aby io han̈aboahan̈a lera handravan̈ana donia ty. Ke nohon’ny lagera an Ukraine an̈y ndreky fahavozoan̈a tsao hisy ady nikleaira hipoaka, aviô nohon’ny faharobatan’ny tontolo iain̈ana, narôsondrô siantifiky aby io nanôndro marikitry sasakalin̈y lera io, tamy talata.”—AFP International Text Wire.
“Irô siantifiky aby io tamy talata nan̈ano filazan̈a fa 90 segondy fo zen̈y tavela tsy havian’ny Lamontara Manôndro Faran’andra io amy sasakalin̈y. Efa ten̈a tsy be eky fotoan̈a tavela, olombelon̈o hahita Aramagedona.”—ABC News.
“Nisy siantifiky baka amy tany maromaro nampitandrin̈y fa mbala tsiary natahoran̈a be karaha ty fiain̈anan’olombelon̈o.”—The Guardian.
Marin̈y ankitin̈y ma tany ty efa tsy ela ho ravan̈a zen̈y, ke ho maty aby olo jiaby? Tokony havozo raha mbala ho avy ma atsika? Ino raha koran̈in’ny Baiboly?
Han̈ano karakôry ny amaraintsika?
Baiboly mivolan̈a fa ‘tany ty maharitry mandrakizay’ aviô hisy olo fo “hipetraka iô tsisy farany.” (Mpitoriteny 1:4; Salamo 37:29) Dikan’izen̈y, tsisy olo mahavita mandravan̈a tany ty, aviô tsisy olo hahavita han̈ano izity tsy ho mety hipitrahan̈a.
Fa Baiboly mivolan̈a fa ho avy marin̈y farany io. Ohatra, volan̈iny ao fa “donia ty mandalo fo.”—1 Jaona 2:17.
Izikoa tianao ho hay ino ma dikan’ny faran’andra zen̈y amy Baiboly ao, vakia lahatsoratra “Tena ho Tonga Tokoa ve ny Faran’izao Tontolo Izao?”
Izikoa ndraiky tianao ho hay raha volan̈in’ny Baiboly momba fotoan̈a havian’ny faran’ny donia ty, vakia lahatsoratra “Rahoviana no ho Tonga ny Faran’izao Tontolo Izao?”
Aza mora rivan̈a
Karakôry han̈ampian’ny Baiboly atsika baka atsika tsy ho mora rivan̈a amy problemo jiaby misy eran-tany io?
Baiboly man̈amia torohevitry momba fiain̈ana andavanandra. (2 Timoty 3:16, 17) Izio hahavy anao han̈anten̈a raha tsara fo, ndray mbala iô problemo. Ohatra, vakia lahatsoratra “Inona no Hanampy Anao Tsy Hanahy Be Loatra?”
Ten̈a mety atokisan̈a raha koran̈in’ny Baiboly momba ny amaray. (Romanina 15:4) Izio man̈ambara mazava irô raha mbala hampoizintsika hiboaka iziôty ndreky amin’ny amaray an̈y. Raha zen̈y mahavy atsika tsy havozo, nata donia misy atsika ty tsy milamin̈y.
Izikoa anao hahazo hatsaran̈a maro baka amy Baiboly, mba man̈ohara mianatra Baiboly tsy man̈efa sady miaraka amy mpampianatra, ataonay.
a “Lamontara Manôndro Faran’andra io mampitandrin̈y olo fa efa ten̈a marikitry fotoan̈a hahafaty olombelon̈o jiaby ambony tany eto, fôtony efa misy raha mahavita mamono olo jiaby ambony tany eto niasain’olombelon̈o. Izio volan̈a ankolatra, hampatsiarovan̈a fa tôkony han̈ano raha atsika baka olombelon̈o tsy ho lany ritry.”—Bulletin of the Atomic Scientists.
Mety ho Tianao Koa
FAN̈ONTANIAN̈A VALIANY BAIBOLY
Ino ma Ady Aramagedona Zen̈y?
Indraiky fo ahitan̈a volan̈a Aramagedona io amy Baiboly ao, fa maro ndraiky andininy ao mikoran̈a raha momba izio.
FAMPIANARAN̈A FOTOTRO AMY BAIBOLY
Nan̈ino Tsy Adosony Zan̈ahary Jaly Io?
Maro olo man̈ontany nan̈ino ma feno olo tsy fankatia ndreky raha manahiran̈a tany ty. Ten̈a mankahery valiny fan̈ontanian̈a aby io amy Baiboly ao.
FAMPIANARAN̈A FOTOTRO AMY BAIBOLY
Ino ma Dikany Niasany Zan̈ahary Tany Ty?
Feno raha maro tsara tanintsika ty. Mety tsara elan̈elan̈a tany ndreky masoandra, pare tsara koa fitsikilan̈any, baka io mety tsara koa fiodikodin̈any. Ino nahavy Zan̈ahary nan̈ano raha jiaby zen̈y amy tany ty?
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
