Feno olo kafiry an Haïti. Karaha zen̈y koa an Afriky ndreky a Meksiky aviô amy tany sasany an Amérique latine. Nata amy tany karaha milamindamin̈y aby io, olo mbala mahatsiaro ten̈a tsy voaro ndreky miasaloha fo, fôtony irô maharen̈y vaovao momba olo mangalatra ndreky olo rômotro mandrobaka fanan̈am-panjakan̈a.

 Ino raha koran̈in’ny Baiboly momba tsy fan̈arahan̈a lalàn̈a eran-tany amy ziôty?

 Baiboly efa nivolan̈a fa tsy fan̈arahan̈a lalàn̈a io an̈isan’ny famantaran̈a momba “vanim-potoan̈an’ny faran’ny donia ty.” (Matio 24:3) Karaha ty nivolan̈in’i Jesosy Kristy raha ho hisy:

•   “Hahaihanintsy fitiavan̈an’olo maro fôtony hahaimaro olo mpandika lalàn̈a.”​—Matio 24:12.

 Volan̈in’ny Baiboly koa fa “amin’ny andra farany”, olo “tsy hahafehy ten̈a, ho masiaka mare, tsy ho tia ny tsara.” (2 Timoty 3:1-5) Ke baka amy fitiavan-ten̈a karaha zen̈y mahavy olo tsy man̈araka lalàn̈a aby hitantsika amy ziôty io.

 Fa ndray zen̈y, atsika mbala misy fan̈antinan̈a fo. Baiboly mampan̈anten̈a fa efa tsy ho hisy eky tsy fan̈arahan̈a lalàn̈a, teteky iô.

•   “Teteky iô, tsisy olo ratsy fan̈ahy eky; anao handiniky tany nipitrahany, fa izy efa tsy ao eky. Olo mpandefitry fo handova tany ty, ke ho ravoravo amy fiadan̈ana.”​—Salamo 37:10, 11.

 Izikoa anao tihahay tsarabe raha koran̈in’ny Baiboly momba fan̈antinan̈a ndreky antony mahavy atsika matoky fa raha hitantsika amy ziôty io man̈atanteraka faminanian̈an’ny Baiboly, vakia irô lahatsoratra aby ambany ty:

 “Mbola Hihatsara ve ny Fiainana Amin’ny Hoavy?”

 “Ino aby ma Raha Ahaizan̈a “Andra Farany” na “Vanimpotoan̈any Farany”?”

 “Efa Voalazan’ny Baiboly Mialoha ve ny Toe-tsain’ny Olona Amin’izao Andro Izao sy ny Zavatra Ataony?”