Volan̈a tsisy fitiavan̈a, olo kafiry, fan̈avakavahan̈a, aviô ady fo raha ren̈y amy vaovao.

•   “Volan̈a tsisy fitiavan̈a fo raha malaza amy tranonkala fifaneraseran̈a ao, karaha ataon’ny lageran’Israely ndreky Gaza, aviô olo kafiry ndreky fan̈avakavahan̈a.”​—Ny Gazetin’i New York (angiley), 15 Novambra 2023.

•   “Nanomboko tamin’ny 7 Oktobra, nahainaro nandilatran’ny taloha fan̈avakavahan̈a ndreky hakafirian̈ana vokatran’ny tsy rariny, eran-tany.”​—Dennis Francis, prezidan’ny Fivoriamben’ny Firenena Mikambana, 3 Novambra 2023.

 Efa tsy vaovao amintsika maharen̈y volan̈a tsisy fitiavan̈a, olo kafiry, aviô lagera. Efa rango ela baka Baiboly efa nan̈ambara fa taloha tan̈y efa nisy olo “man̈ano volan̈a mandratra mira olo mikendry handefa zanapaly”, aviô tia ady ndreky kafiry mare. (Sal. 64:3; 120:7; 140:1) Koran̈in’ny Baiboly koa fa misy antony maventy mahavy olo tsy mifankatia mare amin’ny andra ziôty.

 Baiboly man̈ambara antony aroe mahavy amin’ny andra ziôty feno olo tsy mifankatia.

1.  1. Izio efa nan̈ambara vanim-potoan̈a araiky ‘hampihen̈y fitiavan̈an’olo maro.’ (Matio 24:12) Olo tôkony hifankatia, kanefa anakamarozan’olo manan̈a toetsain̈y mahavy olo hifankalain̈y.​—2 Timoty 3:1-5.

2.  2. Baka amy Satana Devoly mandrisiky olo maro mahaitsy mifankatia fo amy ziôty io. Baiboly mivolan̈a fa “donia misy atsika ty ... ambany fahifan̈an’ny araiky ratsy in̈y.”​—1 Jaona 5:19; Apokalypsy 12:9, 12.

 Kanefa, Baiboly koa mivolan̈a fa teteky iô Zan̈ahary han̈adoso raha jiaby mahavy olo tsy hifankatia. Ankoatran’izen̈y, izy hampajanga jaly jiaby vokatran’ny tsy fifankatiavan̈a. Baiboly mampan̈anten̈a:

•   Zan̈ahary “hamafa ranomaso jiaby amy masondrô, fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy, fôtony zen̈y efa kabaro taloha.”​—Apokalypsy 21:4.