Tamy 24 May 2022, nisy raha ten̈a nampalahelo mare nandalo ta Uvalde, tanàna hely a Texas an̈y. Koran̈iny gazety The New York Times fa “nisy lelahy araiky nitifitifitry ke nahafaty tsaiky 19 ndreky papianatra aroe ... tamy lekoly Robb Elementary School.”

 Ny raha ten̈a mampalahelo koa, tsy sambany taminio nisy raha karaha zen̈y fa efa matetiky foeky. Koran̈iny tatitry nataony USA Today fa ta Etazonỳ zaraiky fo, “tamy taon̈o loso, nisy tifitifitry in-249 tamy lekoly. Tafarany taon̈o 1970, zen̈y tifitifitry farany maro nisy.”

 Ino ma mahavy olo mivadiky biby karaha zen̈y? Akory hataontsika hiatriky izio? Mbala ho foan̈a ma olo kafiry io indraiky andra an̈y? Baiboly mamaly fan̈ontanian̈a aby zen̈y.

•    Baiboly mivolan̈a fa miain̈y aminy “andra farany” atsika izioty, ke maro olo “tsy tia havany” ndreky ‘masiaka mare.’ Dikanizen̈y, olo ho kafiry sady hamonomono olo. ‘Mbala hahairatsy fo’ iro io. (2 Timoty 3:1-5, 13) Izikoa anao tihahita fan̈azavan̈a maro momba zen̈y, vakia lahatsoratra “Efa Voalazan’ny Baiboly Mialoha ve ny Toe-tsain’ny Olona Amin’izao Andro Izao sy ny Zavatra Ataony?”

 Maro olo mety hieritreritry: ‘Nan̈ino ma tsy sakanany Zan̈ahary raha ratsy jiaby, karaha ataony tifitifitry aby io?’ Izikoa tianao hay raha koran̈iny Baiboly momba zen̈y, vakia lahatsoratra “Nahoana ny Tsara Fanahy no Mijaly?”

•    “Raha jiaby voasoratra taloha tan̈y, nisoratin̈y baka hampianaran̈a atsika. Amy zen̈y atsika hanan̈a fan̈antinan̈a, fotony Soratra Masin̈y io ... man̈amia fankahirezan̈a atsika.”​—Romanina 15:4.

 Iro torohevitry amy Baiboly ao mety man̈ampy anao hahavita hiatriky hakafirianan̈a misy amy zioty io. Izikoa tianao hahazo fan̈ampiny fan̈azavan̈a, vakia gazety Mifohaza! ty “Mampahory Antsika Rehetra ny Herisetra”

 Maro koa vaovao ratsy amy zioty, ke mety hampavozo atsika koa raha zen̈y. Fa misy torohevitry mety ampiasainy raimandreny han̈ampian̈a zanakandro hiatriky zen̈y koa amy lahatsoratra “Matahotra Vaovao Ratsy ve ny Zanakao?”

•    “Izy han̈avotro ain̈indro amy raha mampijaly iro ndreky han̈avotro iro aminolo kafiry iro.”​—Salamo 72:14.

•    “Iro amy zay hanefy sabatrandro hatao angadinaomby, baka io saboandro hivoandro meso fanapahan̈a tahony rezain. Na iro, na firenena aby io, samy tsy hifamono amy sabatra eky. Iro koa tsy hianatra ady eky.”​—Mika 4:3.

 Zan̈ahary han̈ano raha tsy vitanolombelon̈o. Fanjakan̈anany han̈afoan̈a raha jiaby fandesinolo miady ndreky olo jiaby kafiry. Izikoa tianao hahay raha maro momba zen̈y, vakia lahatsoratra “‘Ho Be ny Fiadanana’ Rehefa Hitondra ny Tany Ilay Fanjakana.”