Mandeha 70 tapitrisa olo maren̈iny eran-tany amy ziôty. Mandilatra 200 tenin’ny tan̈ana misy eran-tany. Maro amindrô maren̈iny aby io mampiasa araiky amindrô tenin’ny tan̈ana aby io. Mampalahelo fa maro raha tsy rariny ataon’olo amin’ny maren̈iny. Mankamarin̈y zen̈y tatitry aby ty:

•   “Eran-tany, matetiky tsy asian’olo fôtiny zon’olo maren̈iny ndreky zon’olo tsy maharen̈y tsara.”​—National Association of the Deaf (U.S.).

•   “Irô olo maren̈iny mipetraka amy firenena masikiny an̈isan’olo ten̈a mijaly, fôtony irô tsy ten̈a afaka mianatra, tsy afaka miasa ndreky mahazo fan̈azavan̈a ilaindrô.”​—World Federation of the Deaf.

 Karakôry fiheveran’ny Zan̈ahary olo maren̈iny? Ino raha koran̈in’ny Baiboly momba olo maren̈iny? Akôry an̈ampian’ny Vavolombelon̈on’i Jehovah irô amy ziôty?

Fomba Fahitan’ny Zan̈ahary Olo Maren̈iny

 Baiboly mivolan̈a fa tian’i Zan̈ahary Jehovah a olo maren̈iny aby io. Tian’i Jehovah ho tsara fan̈ahy amindrô olo jiaby, aviô tiany ampianarin̈y momba sitrapônany ndreky hahazo hatsaran̈a baka amy zen̈y koa irô.

 Andinin-teny: ‘Aza man̈ozon̈o olo maren̈iny.’​—Levitikosy 19:14.

 Andinin-teny: “Zan̈ahary tsy man̈avakavaka.”​—Asan’ny Apostoly 10:34.

 Andinin-teny: “Jesosy baka tiô nandeha nitety tanàna … nitory vaovao tsara momba Fanjakan̈an’ny Zan̈ahary.”​—Matio 9:35.

 Andinin-teny: Jesosy nan̈ano fahagagan̈a ke ‘olo maren̈iny naharen̈y, olo moa nanjary nivolan̈a.’​—Marka 7:37.

 Andinin-teny: “Olo maren̈iny haharen̈y.”​—Isaia 35:5.

 Dikany: Jehovah nivolan̈a fa olo maren̈iny haharen̈y.​—Isaia 29:18.

Fomba An̈ampian’ny Vavolombelon̈on’i Jehovah Olo Maren̈iny Amin’iziôty

 Vavolombelon̈on’i Jehovah man̈ambara hafatra mankahery amy maren̈iny eran-tany. Amy fomba akôry? Zahay man̈aboaka Baiboly ndreky boky fianaran̈a Baiboly vita video amy tenin’ny tan̈ana, amy volan̈a mandilatran’ny 100. Olo jiaby afaka mahazo izio, salakady tsy man̈efa. Nan̈ino? Fôtony ho Jesosy: “Man̈ameza maimaim-poan̈a, fôtony anarô nahazo maimaim-poan̈a.”​—Matio 10:8.

 Izikoa anao tihizaha video aby io amin’ny Internet na tihampiditry izio amy fitaovan̈anao, ataova ty:

 Mandihana amy JW.ORG. Kitiha sary hely fifidiana volan̈a, amy farany an̈abo amy tranonkala io. Kitiha amizay “Tenin’ny Tanana Ihany” misy ahitanao volan̈a misy video amy tenin’ny tan̈ana.

 Mampidira application JW Library Sign Language. Ao anao afaka mangala na mizaha video aby io lera anao mikônaikty. Tsy man̈efa mangala application io.

Fitaovan̈a Natao Hampianaran̈a Baiboly Olo Maren̈iny

 Baiboly amy Tenin’ny Tan̈ana. Soratra Masin̈y​—Fandikan-tenin’ny Tontolo Vaovao amy Tenin’ny Tan̈ana Amerikain Baiboly feno navoadika voanalohany, eran-tany. Amin’iziôty, efa maromaro tenin’ny tan̈ana manan̈a Baiboly Fandikan-tenin’ny Tontolo Vaovao feno na tapany. Tsy vitan’izen̈y fo fa mahaimaro fo izio isaka taon̈o. (Izikoa anao tihahay ino aby volan̈a efa nan̈aboahan̈a Baiboly amy tenin’ny tan̈ana, na tihizaha volan̈a aby io amin’ny Internet, zahava efajoro “ Soratra Masin̈y​—Fandikan-tenin’ny Tontolo Vaovao amy Tenin’ny Tan̈ana.”)

•   Izikoa anao tihahay ino aby asa atao koa fa han̈aboaka Baiboly araiky amy tenin’ny tan̈ana, zahava video Baiboly Feno Fandikan-tenin’ny Tontolo Vaovao Voadika amy Tenin’ny tan̈ana Amerikain.

•   Ampidira amy fitaovan̈anao application JW Library Sign Language. Amizio ao anao afaka mifidy andininy tianao zahavan̈a amy Baiboly tenin’ny tan̈ana.

•   Maren̈iny i Dmytro ndreky Vita, fa zanakandrô ndraiky tsy maren̈iny. Zahava ino hatsaran̈a azon’ny fianakavian̈andrô koa irô fa niaraka nizaha Baiboly amy tenin’ny tan̈ana, isan’andra.

 Video ianaran̈a Baiboly. Vavolombelon̈on’i Jehovah nan̈aboaka video amy tenin’ny tan̈ana natao an̈ampian̈a olo hahay ndreky han̈araka toro hevitrin’ny Baiboly handeha amy …

•   fianakavian̈a ndreky olo manambady

•   tanora

•   tsaiky

 Fampianaran̈a Baiboly mivantan̈a. Misy olo afaka mampianatra Baiboly anao amin’ny tenin’ny tan̈ana sady tsy man̈efa. Anao afaka mivolan̈a tany tianao hianaran̈a ndreky fotoan̈a mety aminao. Asaiva aboakany anao fomba fianaran̈a Baiboly.

 Mipetraka a Philippines Jeson Senajonon. Zahava fa fianarany Baiboly nahavy izy nanjary kamaradin’ny Zan̈ahary marikitry.

 Pastera tamy fivavahan̈a araiky ta Honduras i Mario Antúnez taloha. Zahava akôry nahitany valin’ny fan̈ontanian̈anany momba Baiboly, erakan’ny nazavainy amy tantaram-piain̈anany ty: “Be dia Be ny Fanontaniako Mbola Tsy Voavaly.”

 Fivorian̈a ndreky fandaharan̈a hafa. Manan̈a fiangonan̈a ndreky antoko-mpitory amy tenin’ny tan̈ana zahay eran-tany. Ke isaka herin̈iandra, maren̈iny miaraka mivory, mianatra momba Zan̈ahary ndreky manompo izy. Ankoatran’izen̈y, isaka taon̈o, zahay mandamin̈y fivorian̈a maventy natao ianaran̈a Baiboly amy tenin’ny tan̈ana. Amy fivorian̈a aby zen̈y koa misy fandaharan̈a natao andikan̈a teny amin’olo maren̈iny sady jamba. Tsy vitan’izen̈y fo fa mizara boky ndreky gazety amy volan̈a braille koa zahay.

•   Tadiava fiangonan̈a marikitry anao.

•   Irô fivoriambe ataonay isaka taon̈o.

•   Kahianay anao han̈aton̈o Fahatsiarovan̈a nifatesan’i Jesosy. Io fivorian̈a farany matomboko amy fivorian̈a jiaby ataonay.

 Mipetraka a Meksiky José Luis Ayala. Izy koa fa teraka efa naren̈iny edy, baka iô nanjary jamba koa izy tafara tatỳ. Kanefa akôry nahavy izy hanjary mpampianatra mahay? Ho hitanao ato valin’izen̈y.