INO ILÀN̈A ZEN̈Y: Pianatra Baiboly mila manokan̈a fiain̈ananany amy Jehovah ndreky hatao batisa, koa tiany hahazo sitraka amy Jehovah. (1Pe 3:21) Mahazo fiarovan̈a arapan̈ahy lan̈iany olo miain̈y mifan̈araka amy fanokan̈anten̈anany. (Sl 91:​1, 2) Kristianin̈y manokanten̈a amy Jehovah fa tsy aminolo, na asa, na fikambanan̈a. Dikanizen̈y, pianatra aby io mila mampitombo fitiavandro ndreky fankasitrahandro Zan̈ahary.—Ro 14:​7, 8.

AKORY AN̈ANOVAN̈A ZEN̈Y:

• Amy fotoan̈any anaro mianatra, iaraha midiniky raha koran̈iny fan̈azavan̈a io momba Jehovah. Ankamafisa fa ilain̈y mamaky Baiboly isanandra ndreky mivavaka amy Jehovah tsy tapaka.—1Te 5:17; Jk 4:8

• Ampirisiha pianatranao han̈ano tanjon̈o fanokananten̈a ndreky batisa. Ampia koa izy hanakatra tanjon̈o tsotra, ohatra, man̈amia valinteny ampivorian̈a na hitory amy namany ndreky piaramiasa. Aleva onon̈o fa Jehovah tsy manery olo hanompo izy. Anjaranolo tsiaraikiaraiky mifidy na hanokanten̈a izy na tsy han̈ano zen̈y.—De 30:​19, 20

• Ataova tsapany pianatranao fa mila miova izy, koa izy man̈iry hamparavoravo Jehovah ndreky hahafeno raha takin̈y aminolo hatao batisa. (Oh 27:11) Mety ho sarotro aminany hiala amy toetrinany sasany, na mety misy raha ratsy nahazatra izy. Mila ampian̈a fo izy baka hiala amy zen̈y ke hisikiny toetry vaovao. (Ef 4:​22-24) Iraha vakiny na koràn̈a aminany lahatsoratra “Manova Olona ny Baiboly”, baka amy Tilikambo Fiambenana

• Tantarà aminany haravoan̈a hitanao amy fanompoan̈a Jehovah.—Is 48:​17, 18