Manomboko amy Septambra, Boky Fianaran̈a amy Fivorian̈a Momba Fiain̈anantsika Ndreky Fanompoan̈a ty hasian̈a fomba fitorian̈a modely vaovao araiky, “Ampianara Olo Ny Marin̈y.” Tanjon̈ontsika aminany io han̈azava fahamarin̈ana fototro amy Baiboly, ampiasan̈a fan̈ontanian̈a ndreky valiny.

Koa hitantsika fa mitandren̈y olo, atsika mety man̈ambela raha hanohizan̈a koran̈a amy man̈araka, karaha ataony boky na gazety, na man̈aboaka video nalain̈y tamy jw.org. Tsara izikoa andra vitsivitsy tafarany nitorian̈a taminany, atsika efa mimpody mitsidiky izy. Misy famintin̈ana isaka toko amy boky Ino Raha Mety Ampianariny Baiboly Atsika? Baka amizio nangalan̈a iro fomba fitorian̈a vaovao ndreky anjarany pianatra amy fivorian̈a. Misy fan̈ontanian̈a ndreky andininy hafa koa amy famintin̈ana io. Mety hampiasain̈y iro io koa fa ­mitsidiky, na koa manomboko fampianaran̈a fa Baiboly fo ampiasain̈y.

Araiky fo lalan̈a mengo amy fiain̈ana. (Mt 7:​13, 14) Samy amy fivavahan̈anany ndreky amy fiain̈anany olo itoriantsika, ke tokony ny marin̈y amy Baiboly mifan̈araka amy raha ­ilainolo tsiaraikiaraiky, koran̈intsika aminany. (1Ti 2:⁠4) Manjary mahay mikoran̈a fotokevitry isankarazany amy Baiboly atsika amy zen̈y ndreky hahay ‘han̈azava volan̈any fahamarin̈ana io amy fomba marin̈y tsara.’ Hitombo haravoan̈antsika, baka io hahay hampianatra olo ny marin̈y.​—2Ti 2:​15.