INO ILÀN̈A ZEN̈Y? Fitaovan̈a Fampianaran̈a ampiasaintsika aby io samy mandrisiky olo hizaha jw.org. Han̈ampy olo hizaha tranonkalantsika io koa ten̈a tanjon̈o karty jw ndreky trakty Aia Ahitantsika Valiny Fan̈ontanian̈a Sarotro Momba Fiain̈anantsika? Fitaovan̈a Fampianaran̈a amy jw.org aby ao io koa azonao rasain̈y aminolo. Mety alefanao e-mail iro io, na andifasanao lien ahitan̈a iro io izy. Ten̈a ilain̈y zen̈y izikoa mitory aminolo mampiasa volan̈a hafa. Mety mampiasa tranonkala io koa atsika, izikoa misy raha an̈ontanianolo atsika, kanefa tsisy valiny amy Fitaovan̈a Fampianaran̈a. Hamokatra fanompoan̈a ataontsika, izikoa atsika afaka mizaha amy tranonkala ao.

AKORY AN̈ANOVAN̈A ZEN̈Y?

• Ampiasà ”FAMPIANARAN’NY BAIBOLY” Lera mitory amy raimandreny tihahay raha maro momba fitarimian̈a tsaiky, midira amy FAMPIANARAN’NY BAIBOLY > TOKANTRANO & FITAIZANA.

• Ampiasà ”RAHA MISY” Lera mitory tsy arapotoan̈a amy tsaiky lekoly araiky aminao ke tihan̈amia izy bokikely Fan̈ontanian̈a 10 Manahiran̈a Tanora, midira amy RAHA MISY > BOKY & BOKIKELY.

• Ampiasà ”RAHA MOMBA ZAHAY” Lera mitory amy piaramiasa aminao ke izy tihamaky fan̈azavan̈a fohiky momba raha inoantsika, midira amy RAHA MOMBA ZAHAY > RAHA MATETIKY AN̈ONTANIANOLO.

ZAHAVA VIDEO AMPIASÀ JW.ORG, AVIO DINIHA AIA AMY TRANONKALA AO HIDIRANAO BAKA HAN̈AMPIAN̈A OLO ABY TY:

• olo tsy mino Zan̈ahary

• olo tojy fahorian̈a

• rahalahy na ranabavy tsy mitory eky

• olo tsidihan̈a man̈ontany fomba azahoantsika vola

• olo baka antany hafa man̈iry han̈aton̈o fivorian̈a amy firenenanany