Ninolo panota nan̈anovany Jesosy soron̈o ain̈inany. (Ro 5:8) Ke atsika jiaby samy mankasitraka fitiavany atsika fotony izy nahafoe ain̈inany namian̈a atsika. Ndraikindraiky atsika mba mila mangala onon̈o fa Kristy naty nindro rahalahintsika aby io koa. Tsy lavorary mira atsika fo iro rahalahy ndreky ranabavy aby io, kanefa ten̈a tiany Kristy koa. Akory an̈aboahantsika fa atsika koa mba tia iro? Aleva onon̈o raha telo ty: Voanalohany, tsy olo efa fankazatra atsika fo hataontsika naman̈a, fa olo tsy mitovy kolontsain̈y amintsika koa. (Ro 15:7; 2Ko 6:12, 13) Faharoe, atsika mila mitandrin̈y tsao tafivolan̈a na man̈ano raha hampalahelo olo. (Ro 14:13-15) Fahatelo, izikoa misy olo manota amintsika, atsika mila malaky mamela heloko. (Lk 17:3, 4; 23:34) Atsika koa mifen̈y mangala tahaka Jesosy karaha zen̈y, Jehovah hitahy fiangonan̈a fo ke atsika hiavan̈a ndreky hiray sain̈y.

ZAHAVA VIDEO MIFEN̈A BAKA HAHAITSARA TOETRY FO!, AVIO VALIA FAN̈ONTANIAN̈A ABY TY:

• Tamy voanalohany, karakory fahitany Miki fiangonan̈a vo nifindrany io?

• Nan̈ino niova fahitany fiangonan̈a io tafara tatỳ?

• Ino tamy modeliny Jesosy nan̈ampy Miki han̈itsy fomba fihevitrinany? (Mr 14:38)

• Nan̈ino Ohabolana 19:11 man̈ampy atsika handiniky toetry tsarany rahalahintsika aby io?