Maro olo tsy mitory eky ho avy han̈aton̈o Fahatsiarovan̈a, amy Talata 11 Avrily. Iro io efa nanomboko nilomoay baka hahazo fiain̈ana kanefa nanjary tsy nanohy eky. Maro antony nahavy zen̈y. Koran̈iny bokikely Miverena Amin’i Jehovah sasany amizio. (He 12:1) Mbala misy valerany amy Jehovah iro io, sady nivangainy tamy liony Zanany. (As 20:28; 1Pe 1:18, 19) Akory han̈ampiantsika iro himpody amy fiangonan̈a?

Antipan̈ahy aby io mifen̈y mitady ndreky man̈ampy iro olo tsy mitory eky, karaha ataony piambin̈y ondrikondriky mandeha mizaha ondrikondriky niala andiany in̈y. (Lk 15:4-7) Zen̈y ahitan̈a fa Jehovah ten̈a tia ndreky mikarakara iro. (Je 23:3, 4) Atsika jiaby koa tokony han̈ano zen̈y, fa tsy iro antipan̈ahy aby io fo. Jehovah ravoravo izikoa atsika tsara fan̈ahy ndreky mifen̈y mahatakatra raha mahazo iro. Mety hisy vokany tsara koa zen̈y. (Oh 19:17; As 20:35) Iritrireta azovy olo hitanao mety hankahirezin̈y, ke aza mijijy tamban̈a!

ZAHAVA VIDEO ANKAHIREZA IRO EFA TSY MITORY EKY, AVIO DINIHA FAN̈ONTANIAN̈A ABY TY:

• Ino raha nataony Abbey, izikoa izy efa nifanojy tamy Vavolombelon̈o Jehovah tsy hainy?

• Izikoa atsika tihan̈ampy olo efa tsy mitory eky, nan̈ino atsika tokony han̈aton̈o antipan̈ahy?

• Ino antsendriky raha nataony Abbey alohany izy himpody ndraiky tamy Laura tan̈y?

• Taminy Abbey niezaka nankahery Laura, karakory nahitan̈a fa izy tsy mora kivy, maharidraha, ndreky be fitiavan̈a?

• Ino raha ianarantsika baka aminy ohatra nataony Jesosy amy Lioka 15:8-10 ao?

• Ino hatsaran̈a nazo, izikoa efa niezaka nan̈ampy Laura olo maromaro?