Azovy ma iro mila raisintsika tsarabe io? Lan̈iany olo mandeha mivory, na olo vaovao izy na efa ela. (Ro 15:7; He 13:2) Mety piaramanompo baka antany hafa zen̈y, na Kristianin̈y efa tsy mitory eky kanefa taon̈o maro afara atỳ, mimpody mivory ndraiky. Mba diniha hely baka izikoa anao karaha zen̈y. Tsy ravoravo anao koa raisinolo tsara? (Mt 7:12) Nan̈ino izikoa mba man̈ano ezaka man̈ano mbalatsara olo, aloha na afarany fivorian̈a? Mankahery sady mampifankatia atsika zen̈y, baka io man̈amia voninahitry Jehovah. (Mt 5:16) Marin̈y ndraiky fa atsika mety tsy hahavita hikoran̈a aminolo tsiaraikiaraiky. Kanefa, izikoa atsika jiaby samy man̈ano, olo jiaby hahatsiaro niraisin̈y tsarabe. *

Tokony ho tia mandray vahiny fo atsika, fa tsy amy lerany fotoan̈a miavaka karaha ataony Fahatsiarovan̈a fo. Olo vaovao koa mahita atsika mifankatia ndreky tia olo, mety hanjary hidera Zan̈ahary ndreky han̈araka fivavahan̈a marin̈y iro.—Jn 13:35.