NAN̈INO RAHA ZEN̈Y TEN̈A ILAIN̈Y? Jehovah Papianatra Be Voninahitry io man̈amia atsika fampianaran̈a ten̈a tsara. Ampianariny atsika fomba hankatsaran̈a fiain̈ana rango izioty, ndreky fomba hanan̈ana fiain̈ana tsara mare aminy amaray an̈y. (Is 11:6-9; 30:20, 21; Ap 22:17) Tsy vitany zen̈y fo fa Jehovah koa mampianatra atsika hahaihizara hafatra mamonjy ain̈y io.—2Ko 3:5.

AKORY HAN̈ANOVAN̈A ZEN̈Y?

• Atsika mila mifen̈y hanetry ten̈a.—Sl 25:8, 9

• Atsika mila man̈araka fampiofan̈ana amian̈a atsika, karaha ataony anjara amy fivorian̈a andavanandra

• Mifen̈a hanakatra tanjon̈o arapan̈ahy.—Fi 3:13

• Izikoa misy fiofan̈ana tianao hatao, man̈anaova raha baka anao hahafeno fepetra.—Fi 3:8

ZAHAVA VIDEO MANANKARIAN̈A ARAPAN̈AHY BAKA AMY FAMPIANARANY JEHOVAH, BAKA IO VALIA FAN̈ONTANIAN̈A ABY TY:

• Ino aby raha sarotro tsy maintsy niaretandro pitory sasany aby io, baka iro afaka han̈aton̈o Fiofan̈any Pitory Momba Fanjakan̈a?

• Ino fampiofan̈ana azondro man̈atriky fiofan̈ana io?

• Pianatra aby io koa fa avy amy tany nanindrehan̈a iro, ino raha mety ataony fiangonan̈a baka han̈ampian̈a iro?

• Ino fepetra takin̈y aminolo tihan̈atriky fiofan̈ana io? (kr 189)

• Ino koa karazan̈a fiofan̈ana baka amy fandaminan̈a mbala mety ataonao?