Manomboko amy taon̈o ty, hanan̈a fotoan̈a tsarabe atsika han̈oman̈ana Fahatsiarovan̈a nifatesany Jesosy. Fahatsiarovan̈a koa sendra andra fivorian̈a, tsisy Fivorian̈a Momba Fiain̈anantsika Ndreky Fanompoan̈a aminy herin̈iandranizio. Izio ndraiky koa amy farany herin̈iandra, tsisy kabaro ndreky Fianaran̈a Tilikambo Fiambenana. Karakory mety hampiasanao fotoan̈a fan̈ampiny zen̈y? Karaha nataondro tamy taonjato voanalohany, anao afaka mikarakara lay raha ilainao amy Fahatsiarovan̈a. (Lk 22: 7-13, km 3/15 1) Tsy zen̈y fo fa atsika koa mila man̈oman̈a jerintsika ndreky fontsika. Akory han̈anaovantsika zen̈y?

• Diniha nan̈ino ten̈a raha maventy man̈aton̈o izio.—1Ko 11:23-26

• Mivavaha mare baka io diniha tsarabe karakory fihavan̈anao amy Jehovah.—1Ko 11:27-29; 2Ko 13:5

• Vakia ndreky diniha iro andininy amy Baiboly ao na lahatsoratra mikoran̈a momba Fahatsiarovan̈a.—Jn 3: 16; 15:13

Pitory sasany mamaky ndreky misaintsain̈y andininy mifandray amy Fahatsiarovan̈a amy teny vakin̈a ao. Sasany mampiasa tablo ambany io. Sasany ndraiky mamaky lahatsoratra amy Tilikambo Fiambenana mikoran̈a momba Fahatsiarovan̈a ndreky fomba nan̈aboahany Jehovah ndreky Jesosy fitiavandro atsika. Ndray ino ndray ino fidinao amindro io, tokony hahavy anao hifandray tsarabe amy Jehovah ndreky Zanany zen̈y.