FOMBA FIAIN̈ANA KRISTIANIN̈Y
Mifen̈a Hanohin̈y Fô koa fa Mampianatra amy Boky “Aza Miala amy Fitiavany Zan̈ahary”
INO ILÀN̈A ZEN̈Y: Olo mila mianatra fitsipiky Jehovah ndreky miain̈y mifan̈araka amizio, zay vo ikeny Jehovah fanompoan̈a ataondro. (Is 2:3, 4) Boky “Fitiavany Zan̈ahary” io boky faharoe ampianarantsika olo Baiboly. Izio hahaizany pianatra karakory han̈arahan̈a toro lalan̈a Zan̈ahary amy fiain̈ana isanandra. (He 5:14) Ke atsika mila mifen̈y manohin̈y fô izikoa fa mampianatra amy boky io. Handrisiky pianatra hiova zen̈y.—Ro 6:17.
AKORY AN̈ANOVAN̈A ZEN̈Y:
-
Man̈omàn̈a tsara, iritrireta raha ilainy pianatranao. Mitadiava fan̈ontanian̈a hahaizan̈a hevitrinany ndreky raha an̈aty fonany momba raha ianaran̈a io. —Oh 20:5; be 259
-
Ampiasà tsara efajoro jiaby amy boky io, baka ho hitany pianatra fa ten̈a mahatsara izy man̈araka toro lalan̈a Baiboly
-
Ampia izy hahay han̈azava raha miankiny aminy eritreritriny tsiaraikiaraiky, fa ambilà fo izy tompiny hanapakevitry.—Ga 6:5
-
Aleva onon̈o ino toro lalan̈a amy Baiboly hitanao mbala sarotro aminany man̈araka izy, baka io ampia izy amy zen̈y. Ampirisiha izy hiova baka amy fitiavany Jehovah. Kanefa mifen̈a ho tsara fan̈ahy ndreky mahaiza mandanjalanja fo.—Oh 27:11; Jn 14:31
