Jesosy nan̈ambara: “Anaro namian̈a bojo ke man̈ameza bojo koa.” (Mt 10:8) Zen̈y mahavy atsika tsy mandafo Baiboly ndreky boky, baka io gazety amiantsika. (2Ko 2:17) Misy fahamarin̈ana matomboko baka amy Volan̈a Zan̈ahary amy boky ndreky gazety aby io. Mandany angovo ndreky vola koa man̈ano pirinty ndreky mandefa iro io amy fiangonan̈a jiaby erantany. Ke zay ilaintsika fo tokony halaintsika.

Mahaiza man̈avaka koa fa man̈amia olo boky na gazety, ndray amy tany maro olo. (Mt 7:6) Ke alohany han̈amia izio olo mandalo amy lalan̈a, hikoràn̈a antsendriky izy ahitanao asa izy ten̈a tia izio tsarabe. Misy fan̈ontanian̈a han̈ampy anao han̈ano zen̈y aminy efajoro miaraka amy lahatsoratra ty. Iritrireta asa mba misy “ia” edy valiny araiky amindro io? Izikoa tsy hainao lian̈a izy sa tsy lian̈a, tsara izikoa trakty fo amian̈a izy. Izikoa ndraiky izy mangataka gazety na boky amintsika, ravoravo atsika han̈amia izy.—Oh 3:27, 28.