Naboakany Jesosy tsarabe didy ty taminizy tambony tany teto: “Hajà babanao ndreky reninao.” (Ek 20:12; Mt 15:4) Sakiny nivolan̈a zen̈y fotony izy ‘nan̈araka volan̈a’ babany ndreky reniny taminizy mbala hely. (Lk 2:51) Lera izy efa be, koa fa hainy fa izy hofoaty, izy nangala toky tsarabe fa hisy olo hikarakara reniny.—Jn 19: 26, 27.

Man̈aja raimandreny koa tanora kristianin̈y, izikoa man̈araka volan̈andro ndreky man̈aja iro koa fa mikoran̈a. Atsika tokony han̈aja raimandreny fo na firy taon̈o atsika na firy taon̈o. Iro ndray efa matoe mbala mahatsara atsika fo fahendrena anan̈andro. (Oh 23:22) Man̈aja iro koa atsika izikoa mba mikarakara iro, ndreky man̈ampy iro arabola izikoa ilain̈y. (1Ti 5:8) Tokony ho hita amy fomba fikoran̈antsika amindro fa man̈aja iro atsika, ndray mbala hely atsika ndray efa be.

ZAHAVA KISARISARY AKORY HATAOKO HIKORAN̈A AMY PAPA NDREKY MAMA?, AVIO VALIA FAN̈ONTANIAN̈A ABY TY:

• Nan̈ino mety ho sarotro aminao mikoran̈a amy raimandreninao?

• Akory han̈ajanao raimandreninao izikoa anao fa mikoran̈a amindro?

• Nan̈ino ma anao tokony hifen̈y hikoran̈a amindro? (Oh 15:22)