INO ILÀN̈A ZEN̈Y: ‘Mira rano lalin̈y hevitry an̈aty fonolo.’ (Oh 20:5) Mira trobàka han̈ovozan̈a izio ndraiky fan̈ontanian̈a apetrakantsika. Mahavy olo mitandren̈y atsika hikoran̈a iro io. Mety hahaizantsika raha sasany valinteninany, izikoa nifidintsika tsarabe fan̈ontanian̈a napetrakantsika. Jesosy nahay nan̈apetraka fan̈ontanian̈a. Akory angalantsika tahaka izy?

AKORY AN̈ANOVAN̈A ZEN̈Y:

• Man̈apitraha fan̈ontanian̈a ahaizan̈a hevitrinany. Nan̈apetraka fan̈ontanian̈a maromaro Jesosy hahaizan̈a hevitry pianatranany. (Mt 16:13- 16; be 238 § 3-5) Ino fan̈ontanian̈a mety apetrakanao hahaizanao hevitrinolo?

• Man̈apitraha fan̈ontanian̈a man̈ampy izy hahay han̈atsoaka hevitry. Jesosy tihan̈itsy Petera. Ke izy nan̈ontany raha maromaro sady nan̈amia valiny mety safidin̈y, baka Petera hahay han̈atsoaka hevitry. (Mt 17: 24-26) Ino fan̈ontanian̈a hitanao han̈ampy olo hahay han̈atsoaka hevitry?

• Deray izy. Jesosy nidera panoratra lalàn̈a araiky ‘nisain̈y tsarabe’ namaly fan̈ontanian̈anany. (Mr 12:34) Akory mety ideranao olo namaly fan̈ontanian̈anao?

ZAHAVA FIZARAN̈A VOANALOHANY AMY VIDEO ATAOVA ASA NATAONY JESOSY: MAMPIANATRA, AVIO VALIA FAN̈ONTANIAN̈A ABY TY:

• Nan̈ino tsy nety fomba fampianarany rahalahy io, ndray fan̈azavan̈anany marin̈y tsarabe?

• Nan̈ino atsika tsy tokony han̈azava hevitry fo?

ZAHAVA FIZARAN̈A FAHAROE AMY VIDEO IO, AVIO VALIA FAN̈ONTANIAN̈A ABY TY:

• Karakory ahitan̈a fa nahay nan̈apetraka fan̈ontanian̈a rahalahy io?

• Ino raha hafa mety angalantsika tahaka izy?