Anao koa fa mizaha folera isankarazany, lan̈itry feno lakintan̈a, sarôro maresaka, asa azonao onon̈o fa iro io asantan̈any Zan̈ahary? Raha jiaby niasainy io man̈ambara toetriny Zan̈ahary. (Ro 1:20) Atsika koa mandi- niky tsarabe raha hitany masontsika, ho hitantsika fa Zan̈ahary io mahery, be fitiavan̈a, misain̈y, man̈ano ny rariny, ndreky tsy matity. —Sl 104:24.

Ino aby raha niasainy Jehovah hitanao isanandra? Ndray anao mipetraka antanambe, anao mety mahita voron̈o ndreky raha maniry. Atsika koa mandiniky tsarabe raha niasainy Jehovah, ho kirikiry asalohantsika. Hifantoko amy raha ten̈a maventy koa atsika, ke hahaihatoky fo fa Jehovah mahavita mikarakara atsika mandrakizay. (Mt 6:25-32) Izikoa anao mananjanaka, ataova raha ahaizandro toetriny Jehovah aby io. Atsika koa mazoto mankasitraka raha niasainy, hahaiharikitry izy fo.—Sl 8:3, 4.

ZAHAVA VIDEO MAN̈AMBARA VONINAHITRINY ZAN̈AHARY HATSARAN̈ANY RAHA NIASAINY: HAZAVAN̈A NDREKY KOLERA, AVIO VALIA FAN̈ONTANIAN̈A ABY TY:

• Ino mahavy atsika mahita kolerandraha?

• Ino mahavy masontsika mahita kolera mangilatra?

• Nan̈ino ma atsika mahita kolera isankarazany amy lan̈itry?

• Ino kolerany zavaboary aminaro an̈y ten̈a maharikian̈a anao?

• Nan̈ino atsika tokony hanokan̈a fotoan̈a handinihan̈a raha niasainy Zan̈ahary?