NAN̈INO RAHA ZEN̈Y TEN̈A ILAIN̈A? Bokiny 1 Korintianina io, araiky amy boky 14 nisoratiny apostoly Paoly baka hankahirezan̈a piaramanompo aminany. Olo araiky koa fa manoratra taratasy, izy afaka mieritreritry tsara raha hisoratiny. Taratasy io koa mety himpodimpodianany olo nandifasan̈a taratasy io, hivakin̈y. An̈isany fomba ten̈a tsara hitorian̈a aminy havan̈a ndreky naman̈a koa anao manoratra taratasy amindro. Izio koa fomba tsara hitorian̈a aminolo sarotro hita. Ohatra, mety misy olo tia nitandren̈y atsika fa izy fo sarotro takatra antran̈o. Misy koa olo sasany mipetraka amy tran̈o be aby in̈y ke tsy mety hididiran̈a, na koa amy tran̈o misy lakoro maventy, na amy toeran̈a mitokan̈a. Mety sarotro vo mahavita mikoran̈a aminolo karaha zen̈y. Ke izikoa anao hanoratra taratasy, ino raha sasany mila tadidianao?

AKORY HAN̈ANOVAN̈A ZEN̈Y?

• Ataova karaha anao mikoran̈a. Voanalohany, ambarà azovy anao, mikasiky ino koran̈anao. Baka io, man̈apitraha fan̈ontanian̈a mety iritriretiny ke ambarà izy fa amy jw.org ao misy valinizio. Volàn̈a aminany fa atsika mampianatra olo Baiboly, mety izio antran̈onany fo. Volàn̈a aminany koa titrany fianaran̈a sasany amy boky fampianarantsika Baiboly. Mety ampiarahanao amy taratasy io ainvitasion na trakty na koa karty jw

• Aza lava koran̈a. Aza atao lava taratasinao fotony mety ho kamo olo io hamaky izio.—Zahava taratasy tsotra sady fohiky

• Alaiva antoko fa madio ndreky mora vakin̈y taratasinao, sady man̈aja ndreky tsara fan̈ahy fomba fanoratanao