• Sorata adiresinao. Koa anao mavozo han̈amia ninao, anao mety mampiasa adiresiny Tran̈o Fivorian̈a izikoa efa nahazo lalan̈a baka taminy antipan̈ahy. Ndray zen̈y, anao tsy mahazo FOEKY mampiasa adiresiny birony sampan̈a.

• Sorata an̈aranolo io koa hainao. Zen̈y hahaizany fa izio tsy pibilisite momba varotro.

• Tandrema tsara tso misy diso raha soratinao, na tso tsisy teboko na virgily. Taratasinao mila madio ndreky milamin̈y tsara. Izikoa izio soratinao amy tan̈ana, mila mazava tsara soratranao amy zen̈y mora vakin̈y. Volan̈a ampiasainao aza atao man̈aja loatra na tsy man̈aja foeky.

Io misy ohatrany taratasy tsotra sady fohiky. Hitanao ao iro raha jiaby nikoran̈intsika tiô. Ndray izy man̈ano zen̈y, tsy isaka anao hanoratra aminolo zay izio fo handeha ampodinao adika. Taratasinao ampifan̈araha amy raha hikoran̈inao ndreky raha misy aminaro an̈y ndreky fombafomba amy tany misy anaro.