Moramora aminolo mifantoko, mahazo ndreky mahatsiaro raha ianarany, izikoa raha hitany maso ampiasain̈a koa fa mampianatra izy. Nampiasa raha hitany maso koa Jehovah, Papianatra Be Voninahitry, izikoa fa nampianatra raha matomboko. (Ge 15:5; Je 18:1-6) Jesosy Papianatra Maventy koa mba nampiasa raha hitany maso izikoa fa nampianatra. (Mt 18:2-6; 22:19-21) An̈isany raha hitany maso ten̈a nahômby koa tato ho ato fampiasan̈a video. Ke asa anao mba mampiasa tsarabe video aby io lera mampianatra Baiboly?

Misy video folo natao han̈ampian̈a atsika izikoa fa mampianatra amy bokikely Vaovao Tsara Baka amy Zan̈ahary! Aminy ankapobeny, video tsiaraikiaraiky mamaly araiky amy fan̈ontanian̈a amy soratra bodaka amy bokikely io. Izikoa baka amy jw.org anao mizaha bokikely io, hahita lien mampatsiaro tany tokony hampiasan̈a video anao ao. Misy video hafa koa amy Fitaovan̈a Fampianaran̈a ao natao han̈ampian̈a atsika koa fa mampiasa boky fianaran̈a karazany hafa.

Asa misy raha tianao hazavain̈y amy pianatranao kanefa mety ho sarotro aminany mahazo izy? Sa misy raha manokan̈a manahiran̈a olo ampianarinao? Ahita video mifan̈araka amy raha ilainy anao izikoa mitady amy jw.org ndreky Tele JW. Anaro roenolo ampianarinao mety miaraka mizaha ndreky miaraka midiniky araiky amy video io.

Misy video vaovao aboaka isaka fanjava. Isaka anao mizaha iro io, iritrireta akory mety hampiasanao iro io izikoa fa mampianatra olo Baiboly.