MIOMÀN̈A ALOHANY HANOMPO
Hatsarà Fanompoan̈anao: Soràta Fomba Tianao Han̈apitrahan̈a Gazety
INO ILÀN̈A ZEN̈Y: Fomba fitorian̈a modely amy Boky Fianaran̈a ty han̈ampy atsika hahita hevitry, fa tsy voatery iro io fo ampiasain̈y. Anao tokony hampiasa fomba fivolan̈anao manokan̈a. Mety ho tianao hampiasa fomba fan̈aton̈anao olo na koran̈a mety hitanao fa ten̈a tianolo amy tany hitorianao. Dikanizen̈y, anao koa fa baka mamaky gazety, diniha fomba fitorian̈a modely, video misy fampisehoan̈a, baka io anao mety mamoron̈o ninao tompiny, mifan̈araka amy raha hikoran̈iny ambany io.
AKORY HAN̈ANOVAN̈A ZEN̈Y:
Man̈ontania karaha ty: ‘Zaho ma hampiasa araiky amy fomba fitorian̈a modely aby ty?’
IA
-
Omàn̈a raha hivolan̈inao voanalohany. Koa fa vita mbala tsara, volàn̈a mazava dianao. (Ohatra: “Zahay io navy... ”)
-
Diniha fomba hampitohizan̈a fan̈ontanian̈a aminy andininy vakin̈y ndreky raha amian̈a. (Ohatra: Izikoa fa hampiditry andininy vakin̈y, anao mety mivolan̈a: “Misy valiny mahafapo momba fan̈ontanian̈a io ty.”)
EHE
-
Mifidiana hevitry araiky tianao amy gazety ao ke hitanao fa mety ho tianolo amy faritany hitorianao
-
Diniha fan̈ontanian̈a ahaizanao hevitrinolo ndreky hampikoran̈ana olo, fa tandrema fo tsao man̈ontany raha sarotro valin̈y. (Ohatra: Fan̈ontanian̈a aby amy pazy 2 amy gazety aby io.)
-
Mifidiana andininy hivakin̈y. (Tsy voatery hamaky andininy anao izikoa han̈apetraka Mifohaza!, fotony izio natao ninolo tsy dia mahay Baiboly ndreky olo tsy tia fivavahan̈a.)
-
Mamoròn̈a fehezanteny araiky na aroe han̈azavan̈a amy tompintran̈o nan̈ino mety hahatsara izy mamaky lahatsoratra io
KOA TSY MIFIDY
-
Man̈omàn̈a fan̈ontanian̈a hivalin̈y amy man̈araka
-
Soràta raha mila hivolan̈inao amy man̈araka baka tsy adin̈a
