Mikoran̈a fahamarin̈ana fototro amy Baiboly bokikely Tandrin̈esa Zan̈ahary. Natao hampianaran̈a olo tsy mahay mamaky teny izio. Pazy aroe fianaran̈a tsiaraikiaraiky, baka io feno sary. Misy lamariky amy sary aby io manondro sary tokony hidinihin̈y fan̈araka.

Mira fo sary amy bokikely Tandrin̈esa Zan̈ahary Baka Anao ho Velon̈o Tsisy Farany ndreky Tandrin̈esa Zan̈ahary, fa raha misoratra ao fo maromaro. Ke olo mba fa mahaihay mamaky teny, mety hampianarin̈y amizio. Pitory maro tia mampiasa izio, ndray olo ampianarindro mampiasa Tandrin̈esa Zan̈ahary. Pazy maro koa misy efajoro ahitan̈a fan̈ampiny fan̈azavan̈a. Mety hiarahan̈a midiniky amy pianatra iro io, arakaraka fahaizany pianatra io.

Anao mety man̈apetraka araiky amindro bokikely aby io fo, ndray tsy izio raha apetraka amy fanjava. Koa fa mampianatra, ampiasà sary aby ao han̈azavan̈a tantara amy Baiboly. Mampiasà fan̈ontanian̈a hahavy pianatra io han̈aboaka hevitrinany, ndreky hahitan̈a fa azony tsarabe raha ianarany. Vakia ndreky iaraha midiniky andininy amy farany pazy tsiaraikiaraiky. Koa vita bokikely io, tohiza fianaran̈a amy boky Ino ma Raha Ten̈a Ampianariny Baiboly? na Ino Raha Mety Ampianariny Baiboly Atsika? Zen̈y han̈ampy pianatra io handroso amy batisa.