Jehovah nan̈iraka Jeremia nampitandrin̈y Jiosy aby io fa hisy raha hahazo iro, fotony iro nan̈adin̈a Jehovah, Zan̈aharindro. (Je 13:25) Ino nahavy firenenany Israely io naty arapan̈ahy karaha zen̈y? Fotony efa tsy nifandray tsara tamy Jehovah eky fianakavian̈andro Israelita aby io. Lohany fianakavian̈a tao tsy nan̈araka toromariky Jehovah amy Deoteronomia 6:5-7.

Amy zioty, fianakavian̈a koa matanjaka arapan̈ahy, matanjaka tsara koa fiangonan̈a. Ho vitany lohany fianakavian̈a han̈ampy fianakavian̈anany tsy han̈adin̈a Jehovah, iro koa man̈ano Fotoampivavahan̈any Fianakavian̈a tsy tapaka ndreky mifan̈araka amy raha ilainolo jiaby. (Sl 22:27) Koa fa baka mizaha video “‘Ataova An̈aty Fonao Volan̈a aby Ty’: Fan̈adikadin̈ana Fianakavian̈a, valia fan̈ontanian̈a aby ty:

• Karakory nataony fianakavian̈a sasany nahavita nan̈ano fotoampivavahan̈a fo, ndray tsy nora tamindro nan̈ano zen̈y?

• Ino hatsaran̈a azony fianakavian̈a, izikoa atao tsy tapaka ndreky mifan̈araka amy raha ilainolo jiaby fotoampivavahan̈a io?

• Nan̈ino sarotro aminaka man̈ano Fotoampivavahan̈any Fianakavian̈a, baka io ino raha iritriretiko hatao hamahan̈a problemo io?