INO ILÀN̈A ZEN̈Y: Mora mahatakatra ndreky mahazo onon̈o raha ampianarintsika izy pianatra Baiboly, izikoa man̈oman̈a. Arakaraka raha takany ndreky azony onon̈o hahavy izy handroso malaky. Ndray efa vita batisa pianatra, mbala mila man̈oman̈a fivorian̈a ndreky fanompoan̈a fo. Zen̈y han̈ampy iro ‘hiambin̈y fo.’ (Mt 25:13) Ke iro koa zatra mianatra ndreky mahay tsarabe raha tokony hatao lera mianatra, hitondra hatsaran̈a amy fiain̈anandro zen̈y. Rango amy voanalohany, tokony hizarintsika iro han̈oman̈a fianarandro Baiboly.

AKORY AN̈ANOVAN̈A ZEN̈Y:

• Amia modely izy. (Ro 2:21) Man̈omàn̈a fampianaran̈a tsiaraikiaraiky, ke iritrireta pianatra io. (km 11/15 3) Ataova hitany bokinao voatsipiky

• Ampirisiha izy han̈oman̈a. Izikoa izy efa mety hianatra, volàn̈a fa izy mila man̈oman̈a, fotony zen̈y an̈isany programo amy fampianaran̈a Baiboly. Hazavà hatsaran̈a azony izikoa izy man̈ano zen̈y. Amia sosokevitry izy baka hahitany fotoan̈a han̈oman̈ana. Pitory sasany mampindran̈a pianatranany bokinany voatsipiky, iro koa fa mianatra, baka pianatra io hahita fa ten̈a tsara man̈oman̈a. Deray izy izikoa fa nan̈oman̈a

• Aboaha izy akory atao man̈oman̈a. Rango amy voanalohany, pitory sasany mifidy antsendriky han̈aboaka amy pianatra fomba fan̈oman̈ana fianaran̈a araiky