FOMBA FIAIN̈ANA KRISTIANIN̈Y
Hatsarà Fanompoan̈anao—Fitorian̈a Aminolo Jamba
NAN̈INO RAHA ZEN̈Y TEN̈A ILAIN̈A? Maro olo jamba tsy mahazo ain̈y izikoa fa misy olo tsy haindro avy mikoran̈a amindro. Zen̈y mahavy atsika mila mifen̈y mare “mitady” fomba hitorian̈a aminolo jamba. Jehovah ten̈a tia ndreky mahinakinaka iro olo jamba aby io. (Le 19:14) Mila mangala tahaka izy atsika, ke han̈ampy iro olo jamba aby io hianatra raha momba Jehovah.
AKORY HAN̈ANOVAN̈A ZEN̈Y?
-
“Tadiava tany misy” olo jamba. (Mt 10:11) Asa anao mahay olo manan̈a havan̈a jamba? Amy faritaninaro asa mba misy lekolinolo jamba, na tran̈o fitarimian̈a olo jamba ke mba tihahazo boky na gazety ninolo jamba?
-
Aboaha fa anao ten̈a tia iro. Tsy havozo iro olo jamba aby io izikoa anao tsara fan̈ahy amindro baka io hitandro fa ten̈a man̈iry han̈ampy iro. Atomboha amy raha mahalian̈a iro koran̈anao.
-
Ameza boky ndreky gazety na raha hafa ilaindro iro. Fandaminany Jehovah man̈aboaka boky ndreky gazety amy soratra braille na aminy endriky elektroniky han̈ampian̈a iro olo jamba aby io. An̈ontania iro fomba tiandro hampianaran̈a iro. Tokony hataony piandraikitry fanompoan̈a azo antoko fa mety tsarabe fan̈afaran̈a raha natao ninolo jamba, ataony pikarakara boky.
