JW Library io programo tsy an̈ifan̈a vola, baka io mety hatao amy telefony, tablety ndreky ordinatera. Amizio anao mety mandika Baiboly, boky ndreky gazety, bokikely, video, ndreky raha tandrin̈esan̈a.

AKORY AZAHOAN̈A IZIO? Mampiasà Internet, midira amy tany fangalan̈a programo. Baka ao anao mety mangala JW Library io. Izio mety ampidirin̈y amy fitaovan̈a elektroniky isankarazany. Anao koa mbala aminy Internet, biafa JW Library io, baka io fidiana raha tianao ampidirin̈y amy fitaovan̈anao. Anao koa tsy afaka mampiasa Internet antran̈onao ao, anao mety mandeha amy tany misy Internet, ohatra amy Tran̈o Fivorian̈a, na amy cyber. Izikoa efa voadika amy fitaovan̈anao boky ndreky gazety aby io, anao efa tsy mila Internet eky, koa fa hizaha iro io. Matetiky misy raha vaovao ampidirin̈y amy JW Library, ke tsara anao maharaka mizaha aminy Internet, koa tianao hahazo raha aby io, ndreky hampiditry fankatsaran̈a farany amy programo io.

INO MA MAHATSARA IZIO? JW Library io ten̈a tsara an̈anovan̈a fianaran̈a manokan̈a ndreky ampiasain̈y amy fivorian̈a jiaby. Izio koa ilain̈y amy fanompoan̈a sady ten̈a tsara ampiasain̈y amy fitorian̈a tsy arapotoan̈a.