Mivolan̈a Lalàn̈any Mosesy fa tokony han̈amboatra taratasy aradalàn̈a lelahy araiky tihisaraka amy vadiny. Nisakana olo fivadiany tsy halaky hisaraka raha zen̈y. Kanefa taminandrany Jesosy, loso maro olo nisaraka tamy vadindro, baka tamy raha nataondro pitariky fivavahan̈a aby io. Lelahy aby io nety nisaraka tamy vadindro, ndray ino ndray ino antony. (“taratasy fisaraham-panambadiana” fanazavana Mr 10:4, nwtsty; “misaraka amin’ny vadiny”, “manitsakitsa-bady” fanazavana Mr 10:11, nwtsty) Nivolan̈a Jesosy fa Jehovah nan̈orin̈y vadian̈a io, baka io izy nan̈amia lalan̈a olo han̈ano vadian̈a. (Mr 10:2-12) Loso “nofotro araiky” olo koa fa fivadiany, ke iro tsy tokony hisaraka foeky. Volan̈iny Soratra Masin̈y, “fijangajangan̈a” zaraiky fo antony mety hisarahanolo amy vadiny.—Mt 19:9.

Amy zioty, tsy hevitry Jesosy arehanolo maro fa nindro Fariseo aby io. Izikoa fa misy problemo, malaky aminolo amy donia ty misaraka. Kristianin̈y manambady ndraiky man̈aja voady nataony tamy vadiny, ke mifen̈y man̈araka toro lalan̈a Baiboly hamahan̈a problemo. Zahava video Fitiavan̈a Ndreky Fan̈ajan̈a Mampitambatra Fianakavian̈a, avio valia fan̈ontanian̈a aby ty:

• Akory mety an̈arehanao Ohabolana 15:1 amy tokantran̈onao, avio nan̈ino raha zen̈y ten̈a ilain̈y?

• Nan̈ino han̈ampy anao hiary problemo man̈araka Ohabolana 19:11?

• Tsy tokony hieritreritry hisaraka anao, ndray misy problemo aminaro fivadiany. Ke ino fan̈ontanian̈a tokony hisaintsain̈inao?

• Akory mety an̈arehanao Matio 7:12, baka anao hahay ho loso vady tsara fo?