Nan̈ino ma olo tia Jehovah fo tokony hataontsika naman̈a? Arakaraka namantsika hahavy atsika han̈ano ny tsara na han̈ano ny ratsy. (Oh 13:20) Karaha zen̈y Panjaka Joasy. Nan̈ano ‘ny tsara nan̈oloan̈a Jehovah’ izy koa fa nikamarady tamy Joiada Pisoron̈o Be. (2Ta 24:2) Koa fa naty Joiada, Joasy niaraka tamy naman̈a ratsy ke nanjary tsy nanompo Jehovah eky.—2Ta 24:17-19.

Tamy taonjato voanalohany, fiangonan̈a Kristianin̈y nampitovisiny apostoly Paoly tamy “tran̈obe” araiky. Olo tsiaraikiaraiky an̈aty fiangonan̈a mira “entan̈a” an̈aty tran̈obe io ao. Hanjary “entan̈a hampiasain̈y amy raha misy hajany” atsika izikoa tsy minaman̈a aminolo man̈ano raha tsy tiany Jehovah, na fianakavian̈antsika zen̈y na olo an̈aty fiangonan̈a. (2Ti 2:20, 21) Atsika ndraiky tokony hifen̈y fo han̈ano kamarady olo tia Jehovah ndreky olo mandrisiky atsika hanompo izy.

ZAHAVA VIDEO  MIFEN̈A TSY HIARAKA AMY NAMAN̈A RATSY, BAKA IO VALIA FAN̈ONTANIAN̈A ABY TY:

• Amy fomba akory mety hahavy atsika hiaraka amy naman̈a ratsy, ndray tsy kiniantsika?

• Tamy video in̈y, ino raha nan̈ampy Kristianin̈y telo in̈y tsy hiaraka amy naman̈a ratsy eky?

• Ino toro lalan̈a Baiboly mety han̈ampy anao hahay hifidy naman̈a?