Tamy taratasy nalefany Paoly tamy Titosy, izy nivolan̈a fa lelahy tanora tafiditry amy zen̈y Titosy, tokony hifen̈y han̈amia ‘modely aminy asa tsara, amy raha jiaby.’ (Tit 2:6, 7) Amy toko io fo, izy nivolan̈a fa Jesosy efa nan̈adio vahoakany Jehovah baka iro ‘hazoto aminy asa tsara.’ (Tit 2:14) Tafiditry aminy asa tsara zen̈y, fitorian̈a ndreky fampianaran̈a momba Fanjakan̈any Zan̈ahary. Tanora ma anao? Mety hampiasainao han̈anovan̈a asany pisava lalan̈a pan̈ampy na pisava lalan̈a maharitry ma angovo anan̈anao io?—Oh 20:29.

Man̈iry han̈ano pisava lalan̈a ma anao? Amboara tsarabe programonao baka ho vitanao han̈ano zen̈y. (Lk 14:28-30) Lera anao pisava lalan̈a, akory mety hazahoanao vola hikarakaranao raha ilainao? Akory hahavitanao hanakatra lera takin̈y amy pisava lalan̈a? Mivavaha amy Jehovah baka izy han̈ampy anao. (Sl 37:5) Koran̈a amy raimandreninao ndreky amindro efa nan̈ano pisava lalan̈a letry ela, programo namboarinao io. Man̈anova raha amy zay. Ten̈a hitahy ezaka ataonao zen̈y Jehovah!

ZAHAVA VIDEO TANORA MAN̈AMIA VONINAHITRY JEHOVAH, BAKA IO VALIA FANONTANIAN̈A ABY TY:

• Ino raha sarotro tsy maintsy nandalovanolo sasany baka iro nahavita nan̈ano pisava lalan̈a, akory nan̈anovandro zen̈y?

• Akory mety han̈ampiany raimandreny zanakandro hanjary pisava lalan̈a maharitry?

• Nan̈ino tsara izikoa atsika manan̈a programontsika manokan̈a momba fotoan̈a fandihanantsika mitory?

• Akory hataony fiangonan̈a hankahery ndreky han̈ampy pisava lalan̈a?

• Ino aby hatsaran̈a azondro man̈ano pisava lalan̈a?