Jakoba nifampitolon̈o taminy anjely baka hazahoan̈a fitahiany Jehovah. Raha ten̈a maventy taminany izio. (Ge 32:24-31; Ho 12:3, 4) Akory ndraiky atsika? Asa atsika mba mifen̈y mare han̈araka volan̈a Jehovah, baka hahazo fitahian̈a aminany? Ohatra anao irahan̈a mifidy han̈aton̈o fivorian̈a sa han̈ano asa fan̈ampiny, ino fidinao? Atsika koa mifen̈y man̈amia fotoan̈antsika, angovontsika, fanan̈anantsika hanompoan̈a Jehovah, izy ten̈a ‘hitahy atsika, ke mandilatra raha ilaintsika’ raha hamiany atsika. (Ml 3:10) Izy hitariky ndreky hiaro atsika, avio han̈amia lan̈iany raha ilaintsika.—Mt 6:33; He 13:5.

ZAHAVA VIDEO MIFANTOHA AMY TANJON̈O ARAPAN̈AHY BAKA IO APITRAHA AMY PAN̈ATRIKY FAN̈ONTANIAN̈A ABY TY:

• Nan̈ino raha tiany anabavintsika io loso nitsapa jery izy?

• Amy fomba akory asantsika io mety hitsapa finoan̈antsika?

• Nan̈ino Timoty mbala nila nanan̈a tanjon̈o fo ndray izy efa matotro arapan̈ahy?—1Ti 4:16

• Akory an̈aboahantsika fa asa fitorian̈a io “asa ten̈a maventy” amintsika?