Taloha tan̈y, natetiky iro manampahifan̈a aby io nan̈ampy vahoakany Jehovah. (Ezr 6:1-12; Es 8:10-13) Ndray aminandra izioty koa, misy pitondra tsara fan̈ahy ke man̈ampy atsika, lera misy fan̈injehan̈a baka amy “dragona”, Satana Devoly. Zen̈y raha tiany koran̈iny amy ‘tany nanelin̈y ten̈arano’ io. (Ap 12:16) Ndraikindraiky, Jehovah “Zan̈ahary pamonjy” io mety han̈adoso pitondra fanjakan̈a sasany, baka hamonjian̈a vahoakanany.—Sl 68:20; Oh 21:1.

Ke karakory izikoa anao izioty ampigadran̈a an̈y? Matokisa fa Jehovah mahita raha mahazo anao. (Ge 39:21-23; Sl 105:17-20) Aza adin̈a fa hitahiny Jehovah anao fotony fatatra finoan̈a, baka io mankahery iro rahalahinao erantany koa anao tsy mivadiky io.—Fi 1:12-14; Ap 2:10.

ZAHAVA VIDEO NAFAKA GADRA IRO RAHALAHINTSIKA KOREAIN ABY IO, BAKA IO APITRAHA FAN̈ONTANIAN̈A ABY TY:

• Nan̈ino ma rahalahintsika andrivony nigadrain̈y ta Kore Atsimo tan̈atiny taon̈o maro?

• Ino fanapahankevitriny fitsaran̈a nahavy iro rahalahintsika sasany nafaka gadra, talohany fotoan̈a?

• Akory mety han̈ampiantsika iro rahalahintsika erantany migadra baka amy finoan̈andro?

• Karakory ma tokony hampiasantsika fahafahan̈a anan̈antsika?

• Azovy ten̈a mahavy atsika mandresy amy fitsaran̈a aby io?