Rango taminy 2018, fotokevitry araiky fo koran̈iny lahatsoratra jiaby amy gazety araiky. Gazety jiaby io mbala an̈isany Fitaovan̈a Fampianaran̈a, ke mety ampiasain̈y amy fanompoan̈a. Mety mitondra gazety koa atsika lera mandeha mivanga raha na lera man̈ano dia lavitry. Iro gazety aby io ndray tsy ampianarantsika Baiboly olo, iro io mety hahavy olo tihianatra Baiboly.

Izikoa fa baka mampiditry koran̈a, mamakia andininy araiky, avio koràn̈a lahatsoratra araiky amy gazety io ke mety hahalian̈a olo io. Ohatra, izikoa izy mananjanaka na miasaloha mare, anao mety mivolan̈a aminany karaha ty: “Misy lahatsoratra zay nivakiko vo tsy ela mikoran̈a raha momba zen̈y. Diasa haboakako anao.” Marin̈y ndraiky fa tsy fan̈apitrahan̈a gazety fo tanjon̈ontsika koa fa mitory, fa gazety aby io mety han̈ampy atsika hahita olo hianatra Baiboly ndreky han̈araka raha ianarandro ao.—As 13:48.