Nan̈ino ma fampitandreman̈a atsika raha nahazo Israelita aby tamy lemaka Moaba in̈y? (1Ko 10:6, 8, 11) Israelita aby io koa fa nikamarady tamy man̈angy moabita ratsy fitondranten̈a ndreky nanompo sampy aby io, iro nanjary nan̈ano fahotan̈a maventy koa. Ten̈a ratsy vokatrany raha nataondro zen̈y. (No 25:9) Maro koa olo miaraka miasa amintsika, lekoly araiky amintsika, havantsika, ndreky jiranintsika tsy manompo Jehovah. Izikoa tantara amy Baiboly io zahan̈a, nan̈ino atsika tsy tokony hikamarady mare amindro?

ZAHAVA VIDEO OHATRA FAMPITANDREMAN̈A AMINANDRANTSIKA IZIOTY—TAPANY AVIO TADIAVA VALINY FAN̈ONTANIAN̈A ABY TY:

• Ino hevitry diso nivolan̈iniry Zimry ndreky iro namany aby io tamy Jamina?

• Akory nataony Finehasa nan̈ampy Jamina baka izy hisain̈y tsara?

• Ino tsy mampitovy olo tsy miavon̈o aminolo tsy manompo Jehovah ndreky olo mikamarady mare amindro?

• Nan̈ino atsika tokony hifidy tsarabe olo ataontsika kamarady mare, na an̈atiny fiangonan̈a zen̈y?

• Nan̈ino atsika tsy tokony hiditry amy gropinolo tsy haintsika tsarabe amy tranonkala fifaneraseran̈a ao?