Mety hampakivy atsika fitsapan̈a io, sirto izio koa mahadin̈y ela. Hainy Davida fa hisy farany fo fitsapan̈a nahazo izy, avio izy koa hanjary panjaka, erakany nampan̈antinainy Jehovah. (1Sa 16:13) Fatatra finoan̈any Davida, ke zen̈y nan̈ampy izy nahadin̈y niambin̈y ndreky tsy nan̈ano raha talohany Jehovah.

Izikoa fa misy fitsapan̈a, mety hampiasa sain̈intsika ndreky fahaizan̈antsika atsika, hialan̈a amy fitsapan̈a mahazo atsika. (1Sa 21:12-14; Oh 1:4) Fa kanefa, atsika nata efa mifen̈y man̈araka toro lalan̈a Baiboly hamahan̈a problemontsika, misy raha sarotro mety mbala tsy afakantsika fo. Amy fotoan̈a karaha zen̈y, atsika mila maharidraha ndreky miambin̈y Jehovah fo. Ten̈a efa tsy ho ela izy han̈adoso jaly jiaby mahazo atsika ndreky “hamafa ranomaso” amy masontsika. (Ap 21:4) Ke na Jehovah han̈isy farany problemo mahazo atsika io, na baka amy raha hafa hankafaka izio, ty raha atokisantsika: Misy farany aby fitsapan̈a jiaby. Mankahery atsika mare fahaizantsika zen̈y.

ZAHAVA VIDEO VAHOAKA MIRAY SAIN̈Y AN̈ATINY DONIA MISARATSARAKA AVIO TADIAVA VALINY FAN̈ONTANIAN̈A ABY TY:

• Ino aby ma raha sarotro tojy Kristianin̈y sasany tatsimony Etazonỳ tan̈y?

• Akory nahitan̈a fa iro naharidraha ndreky be fitiavan̈a?

• Akory nataondro nifantoko tamy “raha ten̈a maventy” fo?​—Fi 1:10