FOMBA FIAIN̈ANA KRISTIANIN̈Y
Karakory Fampiasan̈a Video Fampianaran̈a Baiboly?
Manan̈a video fampianaran̈a Baiboly efatra atsika, hampiasain̈a amy fanompoan̈a. Ino dikany nan̈anaovan̈a video tsiaraikiaraiky amindro video aby io?
-
Nan̈ino ma Anao Tokony Hianatra Baiboly?—Video Lava. Izio natao hisaritan̈a olo amy Baiboly, na ino na ino fivavahan̈anany. Izio mandrisiky iro olo mizaha izio hitady valiny fan̈ontanian̈a maro maventy. Hazavainizio ao koa akory hatao man̈ano fangatahan̈a hianatra Baiboly.
-
Nan̈ino ma Anao Tokony Hianatra Baiboly? (video fohiky) Mbala video araiky nikoran̈intsika tio in̈y fo izio fa fohikinany io. Mampiasa izio atsika izikoa tojy olo meky na tsisy fotoan̈a be ikoran̈ana amintsika.
-
Karakory ma Fianaran̈a Baiboly Zen̈y? Izio natao hisaritan̈a olo amy fampianaran̈a Baiboly tsy man̈efa ataontsika. Misy valiny fan̈ontanian̈a matetiky apetrakanolo momba fianaran̈a Baiboly ao. An̈atinizio koa man̈azava akory hatao man̈ano fangatahan̈a hianatra Baiboly.
-
Tongasoa amy Fianaran̈a Baiboly. Izio haboaka amy pianatra Baiboly. Video io ndray irahiny aboaka lera avy amy pazy faharoe amy boky Mankafiza Fiain̈ana Tsisy Farany!, izio mety haboaka fo izikoa fa miaraka midiniky bokikely Mankafiza Fiain̈ana Tsisy Farany! Koran̈iny video io raha mampiavaka boky io ndreky raha ho hitany pianatra, lera izy mianatra Baiboly.
Video aby io nata samy amy tanjon̈o nan̈anaovan̈a izy, tsy mifidy fotoan̈a mety handifasan̈a iro io ndreky handifasan̈a izio aminolo. Ampirisihin̈y pitory jiaby hizaha iro io ndreky hampiasa izio tsara amy fanompoan̈a ataondro.
