1-7 Avrily
SALAMO 23-25
Hira 4 Ndreky Vavaka | Fampidiran̈a (1 min.)
1. “Jehovah Mpiambin̈y Zaho”
(10 min.)
Jehovah mitariky atsika (Sl 23:1-3; w11 1/5 31 § 3)
Jehovah miaro atsika (Sl 23:4; w11 1/5 31 § 4)
Jehovah man̈amia hanin̈y atsika (Sl 23:5; w11 1/5 31 § 5)
Jehovah mikarakara mpanomponany karaha ataon’ny mpiambin̈y ondrikondriky araiky be fitiavan̈a mikarakara ondrikondrikinany.
IRITRIRETA TY: ‘Akôry aby ma fomba nikarakaran’i Jehovah zaho?’
2. Valera Ara-pan̈ahy
(10 min.)
-
Sl 23:3—Ino aby ma “lalan̈an’ny fahamarin̈ana,” aviô akôry hahavy atsika tsy hiala amindrô io? (w11 15/2 24 § 1-3)
-
Ino valera ara-pan̈ahy hitanao tamy vaky Baiboly tamin’ny herin̈iandra ty?
3. Vaky Baiboly
(4 min.) Sl 23:1–24:10 (th fianaran̈a 5)
4. Fanombohan̈a Koran̈a
(3 min.) FITORIAN̈A TSY ARA-POTOAN̈A. Olo io miasaloha mare momba tontolo iain̈ana, ke izy amakianao andinin-teny mankahery. (lmd leson 2: Hevitry 5)
5. Mitsidiky
(4 min.) OLO NITORIAN̈A ISAKA TRAN̈O. Olo io nan̈eky hianatra Baiboly amy bokikely Mankafiza Fiain̈ana Tsisy Farany! ke aboakanao izy fomba fianaran̈a izio. (lmd leson 9: Hevitry 3)
6. Mampianatra
(5 min.) lff leson 14: Hevitry 4 (lmd leson 11: Hevitry 3)
Hira 54
7. Atsika Tsy Man̈araka Feon’olo Tsy Haintsika
(15 min.) Fiarahan̈a midiniky.
Ondrikondriky iziô mahay feon’ny mpiambin̈y izy ke izy arehandrô. Fa milefa ndraiky irô izikoa fa maharen̈y feon’olo tsy haindrô. (Jn 10:5) Karaha zen̈y koa, atsika mitandren̈y feon’i Jehovah ndreky Jesosy, fotony irô Mpiambin̈y ondrikondriky ara-pan̈ahy ten̈a be fitiavan̈a sady mafatoky. (Sl 23:1; Jn 10:11) Fa atsika koa fa maharen̈y feon’olo ‘mampiasa fitaka’ mitady hampalemy finoan̈antsika, atsika tsy mitandren̈y foeky ndray hely.—2Pe 2:1, 3.
Genesisy toko fahatelo mitantara somilany narin̈esan̈a feon’olo tsy hay tambony tany teto. Satana nampiasa bibilava baka Eva tsy nahay azôvy marin̈y mikoran̈a aminany io. Nan̈ano sary tsara fan̈ahy tamin’i Eva izy, kanefa vandy momba Jehovah ndreky vandy momba antony mahavy Jehovah man̈ano raha fo raha nikoran̈iny. Nampalahelo fa Eva nitandren̈y raha nivolan̈iny, ke loso nijaly mare izy ndreky fianakavian̈anany.
Amy ziôty Satana mankaratsy Jehovah ndreky fandaminan̈anany aviô man̈aparitaka vaovao tsy marin̈y ndreky mamôron̈o vandy momba irô baka atsika hisalasala. Ke atsika koa fa maharen̈y feon’olo tsy hay karaha zen̈y, direkty atsika miritiky milefa! Hidiran’andra atsika izikoa mitandren̈y raha karaha zen̈y, ndray hely fo. Firy ma volan̈a nambaran’i Satana tamin’izy namitaka Eva in̈y? (Ge 3:1, 4, 5) Fa akôry ndraiky izikoa olo mikoran̈a raha tsy marin̈y momba fandaminan̈an’i Jehovah io olo haintsika sady marikitry fôntsika aviô izy ten̈a tihan̈ampy atsika?
Alifasa VIDEO Aza Man̈eky “Volan̈anolo Tsy Hainao.” Aviô an̈ontania mpan̈atriky:
Ino raha ianaranao tamy raha nataon’i Jade, mamany koa fa nikoran̈a raha tsy marin̈y momba fandaminan̈an’i Jehovah?
8. Fianaran̈a Baiboly Ataon’ny Fiangonan̈a
(30 min.) rr toko 8 § 1-7, fizaran̈a 3 ndreky video fampidiran̈a
