17-23 Marsy
OHABOLANA 5
Hira 122 Ndreky Vavaka | Fampidiran̈a (1 min.)
1. Ialà Lavitry Fijangajangan̈a
(10 min.)
Tsy mora ndraikindraiky miady amy fan̈irian̈a hijangajanga (Oh 5:3; w00 15/7 29 § 1)
Olo ratsy fitondran-ten̈a kivy ndreky manen̈iny (Oh 5:4, 5; w00 15/7 29 § 2)
Ialà lavitry fijangajangan̈a (Oh 5:8; w00 15/7 29 § 5)
Ranabavy araiky tsy man̈eky han̈amia nimerônany amy tsaiky lelahy araiky
2. Valera Ara-pan̈ahy
(10 min.)
-
Oh 5:9—Nan̈ino olo ratsy fitondran-ten̈a mira mangala baraka ten̈a? (w00 15/7 29 § 7)
-
Ino valera ara-pan̈ahy hitanao tamy vaky Baiboly tamin’ny herin̈iandra ty?
3. Vaky Baiboly
(4 min.) Oh 5:1-23 (th fianaran̈a 5)
4. Fanombohan̈a Koran̈a
(3 min.) AMY TANY MARO OLO. Olo io tsy Kristianin̈y, kahia han̈aton̈o Fahatsiarovan̈a izy, baka iô tadiava amy jw.org toeran̈a han̈anaovan̈a Fahatsiarovan̈a marikitry izy. (lmd leson 6: Hevitry 4)
5. Mitsidiky
(4 min.) ISAKA TRAN̈O. Tamin’ny anarô nikoran̈a voanalohany, izy nan̈eky nangala invitasion’ny Fahatsiarovan̈a sady nitandren̈y tsara. (lmd leson 9: Hevitry 5)
6. Mampianatra
(5 min.) lff leson 16 amin’ny ino raha nianaranao tato, fan̈ontanian̈a famerenan̈a, aviô amin’ny ataova ty. Mpianatra io man̈ontany asa Jesosy nisy vady, ke aboaha izy akôry atao mitady valin’izen̈y. (lmd leson 11: Hevitry 4)
Hira 121
7. Izikoa Anao Misy Olo Iarahan̈a, Diniha ino Raha Mety Ataonarô Baka Anarô Hadio Fitondran-ten̈a Fo
(15 min.) Fiarahan̈a midiniky.
Miaraka lelahy ndreky man̈angy araiky izikoa irô “mifan̈eky hanaokan̈a fotoan̈a an̈anaovan̈a raha miaraka sady misy eritreritry amy vadian̈a.” Izikoa irô fa mampiaraka, mety miaraka amin’olo maro irô na irô roe fo. Izio mety ambarandrô olo na koa tsy ambarandrô. Mety mivantan̈a izio, na amy telefony na koa amy mesazy. Fiarahan̈a io tsy tôkony ataontsika kidikidy fôtony izio dingana maventy avian̈a amy mariazy. Ke izikoa misy olo aroe miaraka, na tanora irô na olo be, ino raha han̈ampy irô tsy hijangajanga?—Oh 22:3.
Alifasa VIDEO Fioman̈ana amy Vadian̈a—Fizaran̈a 1: Efa Mety Mampiaraka ma Zaho?—Tapatapany. Aviô an̈ontania mpan̈atriky:
-
Nan̈ino olo araiky tôkony hiambin̈y izy efa vôn̈ono amy vadian̈a vo mampiaraka? (Oh 13:12; Lk 14:28-30)
-
Ino itiavanao fomba nan̈ampian’ny raimandreny in̈y zanakandrô?
Vakia Ohabolana 28:26. Aviô an̈ontania mpan̈atriky:
-
Ino raha mety ataon’olo aroe mampiaraka baka irô tsy han̈ano raha hahavy irô hijangajanga?
-
Nan̈ino olo aroe miaraka tôkony hikoran̈a tsialohaloha momba raha mety ataondrô ndreky tsy ataondrô amy fan̈aboahan̈a fitiavan̈a, karaha ataony mifampitana tan̈ana na mifan̈ôroko?
Vakia Efesianina 5:3, 4. Aviô an̈ontania mpan̈atriky:
-
Ino raha tôkony tandreman’olo aroe mampiaraka lera irô mikoran̈a amy telefony na amin’ny Internet?
