Fan̈anaran̈a io mety fan̈amezan̈a toromariky ndreky fampianaran̈a. Fa an̈isany fan̈anaran̈a koa fan̈itsian̈a ndreky fan̈asazian̈a. Jehovah man̈anatra atsika, baka atsika hahavita hanompo izy erakany fomba tiany. (Ro 12:1; He 12:10, 11) Ndraikindraiky mety ho sarotro man̈eky fan̈anaran̈a io, fa izio mitondra fahamarin̈ana ndreky hatsaran̈a maro. (Oh 10:7) Ino ma raha tokony tsy hadin̈anolo man̈anatra ndreky olo anarin̈y?

Olo man̈anatra. Jehovah tsara fan̈ahy ndreky be fitiavan̈a izikoa fa man̈anatra. Mety ho sarotro aminy antipan̈ahy, raimandreny ndreky olo hafa han̈ano karaha zen̈y. (Je 46:28) Ndray mila anarin̈y mare olo araiky, fan̈anaran̈a izy tokony hatao mifan̈araka amy raha misy ndreky arisikiny fitiavan̈a fo.—Tit 1:13.

Olo anarin̈y. Tokony hikentsika fo zay fan̈anaran̈a azontsika, ke hifen̈y fo atsika han̈araka izio. (Oh 3:11, 12) Atsika io tsy lavorary, ke samy mila anarin̈y amy fomba isankarazany. Izio mety ho baka amy raha vakintsika amy Baiboly na raha ren̈intsika amy fivorian̈a. Misy koa sasany mahazo fan̈anaran̈a baka amy komitimpitsaran̈a amy fiangonan̈a. Atsika koa man̈eky anarin̈y, hankatsara fiain̈anantsika izioty ndreky aminy amaray raha zen̈y.—Oh 10:17.

ZAHAVA VIDEO “OLO TIANY JEHOVAH ANARINY” AVIO TADIAVA VALINY FAN̈ONTANIAN̈A ABY TY:

• Karakory fiain̈anany Canon tamy voanalohany, fa nan̈ano karakory fo izy baka tio?

• Ino fan̈anaran̈a feno fitiavan̈a nazony baka tamy Jehovah?

• Ino raha ianarantsika baka amy tantaranany in̈y?