FOMBA FIAIN̈ANA KRISTIANIN̈Y
Fiheza Fo Fan̈irian̈a Ratsinao
Mila mifen̈y mare fo atsika hifehy fan̈iriantsika, fotony atsika tsy lavorary. Izio koa tsy fihezin̈y, Jehovah tsy hankasitraka atsika eky. Ohatra, misy olo sasany tia hanin̈y, lamba, ndreky tran̈o, mandilatra fitiavandro Zan̈ahary. (Ro 1:26, 27) Olo sasany ndraiky tia kamarady mare, fotony tiandro olo ho tia iro.—Ek 23:2.
Akory mety hataontsika, baka atsika hahavita hifehy fan̈irian̈a ratsy fo? Mila mifen̈y mare atsika man̈ano raha mamparavoravo Jehovah fo. (Mt 4:4) Mila mangataka fan̈ampian̈a amy Jehovah koa atsika baka hahavita hifehy ten̈a. Nan̈ino? Fotony izy ten̈a mahay raha mahatsara atsika, avio hainy koa man̈amia raha ten̈a mahafapô atsika.—Sl 145:16.
ZAHAVA VIDEO AZA ROBATIN̈Y AMY SIGARETY FIAIN̈ANANAO AVIO TADIAVA VALINY FAN̈ONTANIAN̈A ABY TY:
-
Nan̈ino ma olo sasany mifima sigarety?
-
Ino raha ataony sigarety aminao?
-
Ino maharatsy mifima sigarety ndreky sigarety elektroniky?—2Ko 7:1
-
Ho vitanao handresy fan̈irian̈a tihifima sigarety!
Izikoa anao tsy tihifima sigarety na tihiala amizio, akory ho anao aminolo?
