Mila manan̈a finoan̈a fatatra tsarabe olo ampianarintsika Baiboly, baka iro hamparavoravo Zan̈ahary. (He 11:6) Hahavita han̈ampy iro han̈ano zen̈y atsika izikoa mampiasa boky Mankafiza Fiain̈ana Tsisy Farany! Misy andininteny efa nifidin̈a tsara, fandrisiandahatra mazava, fan̈ontanian̈a pare tsarabe, video maro mandrisiky, avio sary maro tsara ao. Han̈orin̈y amy fitaovan̈a tsy mety may atsika, izikoa man̈ampy olo ampianarintsika aby io hanan̈a toetry kristianin̈y ndreky man̈ampy iro ho tsara fihavan̈ana amy Zan̈ahary.​—1Ko 3:12-15.

Sarotro aminolo sasany mimenimeny fikamaradianan̈a amy Zan̈ahary, fotony izy tsy hitany maso. Ke mila ampiantsika iro baka iro hahay Jehovah ndreky hatoky izy.

ZAHAVA VIDEO AMPIASÀ BOKY “MANKAFIZA FIAIN̈ANA TSISY FARANY!” HAN̈AMPIAN̈A OLO HINO JEHOVAH AVIO TADIAVA VALINY FAN̈ONTANIAN̈A ABY TY:

• Akory hahaizantsika fa nan̈oman̈a tsarabe ranabavy in̈y alohanizy hampianatra?

• Akory ahitantsika fa hainy ranabavy in̈y tsarabe nampiasa fan̈ontanian̈a fan̈ampiny, han̈ampian̈a pianatranany han̈aboaka hevitrinany ndreky fihetsehamponany momba Isaia 41:10, 13?

• Ino vokatrany video ndreky andininteny in̈y taminolo nampianariny?

Tsy mazava aminolo maro dikany vidipan̈avotan̈a, na koa tsy haindro fa izio fan̈amezan̈a manokan̈a baka amy Zan̈ahary namian̈a iro. (Ga 2:20) Ke atsika mila mifen̈y man̈ampy iro hanan̈a finoan̈a vidipan̈avotan̈a nataony Jesosy.

ZAHAVA VIDEO AMPIASÀ BOKY “MANKAFIZA FIAIN̈ANA TSISY FARANY!” HAN̈AMPIAN̈A OLO HINO JESOSY AVIO TADIAVA VALINY FAN̈ONTANIAN̈A ABY TY:

• Akory hahaizantsika fa nan̈oman̈a tsarabe ranabavy in̈y alohanizy hampianatra?

• Akory nampiasany “Zahava” io nan̈ampiany olo ampianariny?

• Nan̈ino ten̈a ilain̈a mivavaka niny pianatra Baiboly?