Baiboly karakory ma izio? Baiboly Fandikan-tenin’ny Tontolo Vaovao navaozin̈y. Izio aboaka tsihelihely amy volan̈a farany maro. An̈isany raha mampiavaka izio, misy feonolo maromaro man̈ano feonolo tsiaraikiaraiky mamaky izio. Mety tsara fankamafisan̈a volan̈a aby vakin̈a ao ndreky fihetsehamponolo amizio ao, ke miboaka tsara fahamarin̈ana koran̈iny Baiboly.

Ino ma hatsaran̈a nazonolo man̈araka vaky Baiboly nalain̈a feo io? Maro olo tia mitandren̈y vaky Baiboly nalain̈a feo io isanandra, ke hitandro fa ten̈a velon̈o marin̈y Volan̈a Zan̈ahary. Avio feonolo isankarazany ao man̈ampy iro karaha mahita raha nandalo tamy zen̈y ke mahaimazava tsarabe amindro, iro raha misoratra ao. (Oh 4:5) Maro koa olo mivolan̈a fa nampakirikiry asalohandro zen̈y fitandrin̈esan̈a vaky Baiboly nalain̈a feo io, iro koa fa miasaloha.​—Sl 94:19.

Mety hisy vokany amy fiain̈anantsika fitandrin̈esan̈a vaky Baiboly io mare. (2Ta 34:19-21) Izikoa misy amy volan̈anao Baiboly nalain̈a feo io, na izio tapany na izy feno, nan̈ino izikoa ampidirinao amy fandaharan̈a arapan̈ahinao fitandrin̈esan̈a izio?

ZAHAVA VIDEO FAN̈AMBOARAN̈A VAKY BAIBOLY NALAIN̈A FEO​—TAPANY AVIO TADIAVA VALINY FAN̈ONTANIAN̈A TY:

Ino ma raha ten̈a mahagaga anao amy fan̈amboaran̈a Baiboly nalain̈a feo io?