FOMBA FIAIN̈ANA KRISTIANIN̈Y
Hatsarà Fanompoan̈anao: Fitorian̈a amy Telefony
NAN̈INO RAHA ZEN̈Y TEN̈A ILAIN̈A? Fitorian̈a amy telefony io an̈isany fomba araiky maventy ‘itorian̈a vaovao tsara.’ (As 20:24) * Baka amizio ahavitantsika mitory aminolo tsy afaka andihanan̈a antran̈o.
AKORY HAN̈ANOVAN̈A ZEN̈Y?
-
Man̈omàn̈a. Mifidiana fotokevitry mifan̈araka aminolo olo ikoran̈anao. Sorata raha tianao koran̈iny. Anao koa mety man̈oman̈a mesazy fohiky han̈azavanao antony ikahianao olo, izikoa izy mesazery. Tsara izikoa fa ataonao pare amy latabatra raha aby nisoratinao io ndreky fitaovan̈a jiaby ilainao, karaha ataony JW Library® na jw.org® efa mibian̈a.
-
Aza taitaitry. Ataova karaha hitanao olo ikoran̈anao io. Mimoemoeza, baka io mety koa man̈ano fitsefan̈a. Aza mangin̈y tsy aminy antony. Tsara izikoa misy naman̈a anao mitory amy telefony, ke izikoa fa misy fan̈ontanian̈anolo, ampodiana volan̈iny mare, baka ren̈inolo miaraka aminao, izy amy zay man̈ampy anao mitady valiny
-
Mizahava fomba han̈anovan̈a fiveren̈ana mitsidiky. Izikoa olo io lian̈a, anao mety man̈apetraka fan̈ontanian̈a hivalin̈y lera anao mikaiky izy amy man̈araka. Anao mety mandefa boky aminany aminy sms na e-mailnao. Na anao mety mandefa lahatsoratra na video aminany. Izikoa mety, volàn̈a aminany raha misy amy tranonkalantsika.
^ feh. 3 Izikoa mety amy tany misy anaro fitorian̈a amy telefony, tsy maintsy man̈araka lalàn̈any tany misy anaro fo anaro koa fa mangala raha mombamomba olo nitorian̈a io.
