Ino aby toetry tianao hanan̈any kamaradinao? Mety tianao izikoa izy tsy mivadiky, tsara fan̈ahy, ndreky tsy matity. Anan̈any Jehovah toetry jiaby zen̈y. (Ek 34:6; As 14:17) Izy mitandren̈y, anao koa mivavaka aminany. Von̈ono han̈ampy anao fo izy, isaka anao mila vonjy aminany. (Sl 18:19, 35) Mamela heloko koa izy. (1Jn 1:9) Tsisy kamarady tsara mandilatra Jehovah!

Akory hikamaradianan̈a amy Jehovah? Vakia Volan̈anany baka hahaizanao izy. Koràn̈a aminany raha jiaby an̈aty fonao. (Sl 62:8; 142:2) Raha ten̈a maventy aminany koa tokony ho raha ten̈a maventy aminao. Ohatra amy zen̈y Zanany, Fanjakan̈anany, ndreky fampan̈antinan̈anany momba ny amaray. Koràn̈a aminolo raha momba izy. (De 32:3) Anao koa mifen̈y fo mifandray marikitry amy Jehovah, ho Kamaradinao mandrakizay izy. —Sl 73:25, 26, 28.

ZAHAVA VIDEO ANARO TANORA: “ANDRAMÀNA KE ZAHAVA FA TSARA JEHOVAH”, AVIO AN̈ONTANIA PAN̈ATRIKY:

• Ino raha mety hataonao baka anao ho von̈ono hanokanten̈a ndreky hatao batisa?

• Akory mety hataonolo amy fiangonan̈a man̈ampy anao hanompo Jehovah?

• Nan̈ino ma man̈ampy anao hifandray marikitry amy Jehovah fan̈anovan̈a fanompoan̈a?

• Ino aby karazan̈a fanompoan̈a mety hataonao?

• Ino raha ten̈a itiavanao Jehovah?