Jesosy nan̈ambara “vaovao tsarany Fanjakan̈any Zan̈ahary.” (Lk 4:43) Izy koa nampianatra olo hivavaka momba Fanjakan̈a io. (Mt 6:9, 10) Amy Novambra, atsika han̈ano ezaka manokan̈a han̈ambaran̈a Fanjakan̈any Zan̈ahary io. (Mt 24:14) Ke amboara programonao, baka anao han̈ano erakany vitanao aminany io. Lan̈iany han̈ano pisava lalan̈a pan̈ampy amizio, mety mifidy han̈ano 30 lera na 50 lera.

Mitoria aminolo farany maro erakany vitanao, ke amakia andininy mikoran̈a momba Fanjakan̈any Zan̈ahary iro. Anao koa fa hifidy andininy, diniha ino fivavahan̈anolo ikoran̈anao io. Izikoa tiany koran̈a io, amia Tilikambo Fiambenana No. 2 2020 izy. Tsidiha farany malaky izy, ke mampiasà araiky amy Fitaovan̈a Fampianaran̈a hanombohan̈a fampianaran̈a Baiboly. Hely tavela tsy handripahany Fanjakan̈any Zan̈ahary iro fitondrasan̈a jiaby manohitry izio. (Da 2:44; 1Ko 15:24, 25) Irarian̈a atsika jiaby han̈ano erakany vitantsika aminy ezaka manokan̈a io, an̈aboahantsika fa manohan̈a Jehovah ndreky Fanjakan̈anany atsika!