Vadian̈a io izikoa milamin̈y tsarabe, man̈amia voninahitry Jehovah ndreky mamparavoravo olo fivadiany. (Mr 10:9) Fa miankin̈y amy fan̈arahan̈a toro lalan̈a Baiboly momba fifidianan̈a vady ny hampadin̈y ndreky hampasambatra vadian̈a zen̈y.

Miambesa efa “tsy tanora loatra” vo mampiaraka. Amy zen̈y baka anao efa mahay mandiniky tsara, fotony efa tsy mare loatra fan̈irian̈anao han̈ano firaisan̈a. (1Ko 7:36) Aboaha fa anao manan̈a fahendrena, ke ampiasà tsarabe fotoan̈a maha selibatera anao, hankafataran̈a fifandraisanao amy Jehovah ndreky hanan̈ana toetry tsara. Anao koa man̈ano ambaka zen̈y, ho vitanao tsarabe andraikitrinao izikoa anao hanambady afara an̈y.

Alohany anao han̈eky hangala vady na halainolo vady, ataova ampy tsarabe fotoan̈a hifankahaizanaro “toetry misitriky an̈atiny fônaro an̈y.” (1Pe 3:4) Izikoa misy problemo maventy miboaka, anaro roe mila miaraka mikoran̈a. Vadian̈a io karaha fifandraisan̈a aminolo jiaby fo. Tsy raha mety ho azonao fo mila dinihinao fa ino raha mety hamianao. (Fi 2:3, 4) Ke izikoa anao man̈araka toro lalan̈any Baiboly alohany anao man̈ano mariazy, tsy ho sarotro aminao hanohy han̈ano zen̈y, lera anao fa an̈atiny tokantran̈onao afara an̈y.

ZAHAVA FIOMAN̈ANA AMY VADIAN̈A​—FIZARAN̈A 3: ‘ATAOVA KALIKILY ZAY METY HO LANY’ AVIO TADIAVA VALINY FAN̈ONTANIAN̈A ABY TY:

• Akory nahavy ranabavy in̈y tia Jean?

• Ino raha hitany tamy Jean, iro koa fa komansy nifankahay tsara?

• Akory nataondry olobeny nan̈ampy izy, avio ino fanapahankevitry tsara nalainy?