Volan̈a Zan̈ahary io fitaovan̈a ten̈a tsara hindesintsika miatriky raha mitsapa finoan̈antsika, aminy andra farany izioty. (2Ti 3:1, 16, 17) Fa ndraikindraiky fo, mety mila hampian̈a atsika hahita ino toro lalan̈a Baiboly amy problemo andalovantsika an̈atiny andra araiky. Ohatra, anao koa raimandreny, mitady torohevitry mety ilainao amy fitarimian̈a tsaiky ma anao? Sa anao tanora ke misy raha mitsapa finoan̈anao an̈y? Sa anao rahalahy na ranabavy maty vady? Hahita fan̈azavan̈a momba raha aby io anao amy jw.org, ke ho hitanao ao toro lalan̈a Baiboly mifan̈araka tsarabe amy raha ilainao io ndreky amy raha hafa koa.​—Oh 2:3-6.

Amy pazy fandraisan̈a amy jw.org ao, kitia amy RAHA AMPIANARINY BAIBOLY. (Zahava sary 1.) Misy listy miboaka, ke fidiana zay sokajy tianao. Na midira amy RAHA MISY ATO > LAHATSORATRA ISANKARAZANY ke ao anao mifidy. (Zahava sary 2.) Afaka mahita sokajy karaha io koa anao amy JW Library^®. * Mety ho tianao koa hizahazaha iro lahatsoratra aby ao. Fa an̈isany raha mety hatao koa mitady fotokevitry avoafaritry tsara amy jw.org ao.

Sorata amy tany fan̈anaovan̈a fikarohan̈a ao iro fotokevitry aby ty, avio sorata iro lahatsoratra tianao hivakin̈y.

• Fitarimian̈a tsaiky

• Problemony tanora

• Olo maty vady